पंचांग

मंगळवार,९ डिसेंबर २०२५,मार्गशीर्ष कृष्णपक्ष.

तिथी-पंचमी १४|२९

रास-कर्क २६|२३ नं.सिंह

नक्षत्र-आश्लेषा

योग-ऐंद्र

करण-तैतिल

दिनविशेष-१५ प.चांगला

मेष - प्रेम केलं आहे तर त्यासाठी टिकवण्यासाठी काही खर्चही करायला लागेल. आज आपल्या जवळच्या व्यक्तींसाठी खर्च होईल. धनसंचायाच्या थोडे मागेच पडाल. व्यवहार जपण्यास साठी अनेक गोष्टी कराल.

वृषभ - घराची डागडुजी, त्याच्यावर पैसा खर्च करणे किंवा एखादा जुने घर घेण्याचा विचारात असाल तर त्या गोष्टी आज तुमच्याकडून पूर्ण होतील. भावंडांचे याच्यासाठी वेगळी मदत होईल.

मिथुन - प्रवासासाठी खर्च होईल. नाती जपण्यासाठी आज विशेष तुमची धडपड असेल. नव्याने गुंतवणूक, धनसंचय यासाठी दिवस चांगला आहे. कौटुंबिक जिव्हाळा असेल.

कर्क - जितके स्वतःला जवळ कराल तेवढे आज आनंदी रहाल. आपल्यातील नवी कला, काव्य याचे प्रकटीकरण होईल. एक वेगळा आत्मविश्वास आज घेऊन तुम्ही इतरांपुढे वावराल.

सिंह - महत्वाचे ऐवज आणि जिन्नस आज सांभाळणे गरजेचे आहे. मौल्यवान गोष्टी गहाळ होण्याची शक्यता आहे.खर्च वाढता राहील.मनस्तापही त्याचबरोबर वाढेल.

कन्या - सून आणि जावई यांच्या प्रेमात तर आज काहीतरी वेगळे कराल. नातेसंबंधात आनंद लाभेल. जुन्या गुंतवणूक मधून फायदा होणार आहे .शक्तीने नाही तरी बुद्धीने आज कामे कराल.

तूळ - कामासाठी भरपूर प्रवास होतील. सहकाऱ्यांच्या मनात तुमच्याबद्दल आपलेपणा असेल. सामाजिक, राजकीय क्षेत्रात पुढाकार घेऊन आघाडीवर रहाल. कामात वाढ होईल. दिवस चांगला आहे.

वृश्चिक - एकीहाती काम करणे आपल्याला कायमच आवडते. आज मनासारखी कामे होतील. त्याचबरोबर तीर्थयात्रेला सुद्धा जाण्याचे योग आहेत. प्रवासातून फायदा आहे. कामातून यश सहज मिळेल.

धनु - काहीतरी वैचित्र्य आपल्या राशीमध्ये कधीतरी दिसते." अर्धा घोडा अर्धा माणूस" अशा चिन्हामुळे स्वभाव ओळखणे कठीण असते. आज लहरीपणा टाळणे गरजेचे आहे. स्वमग्न होऊन काम केल्यास त्याला गती येईल. मृत्यू भय राहील.

मकर - "जोडी तुझी माझी" असा काहीसा दिवस आहे. संसारामध्ये एकमेकांची इच्छा पूर्ण करण्यामध्ये मुशगुल असाल. सामंजस्याने कामे होतील. व्यवसायामध्ये प्रगतीचे योग आहेत.

कुंभ - जोडीदाराचे म्हणणे मान्य करण्यासाठी, त्यांच्यावर पैसा खर्च होईल. नातेवाईकांमध्ये गैरसमज निर्माण होतील. तुम्हाला पुढाकार घेऊन ते मिटवावे लागतील. तब्येतीच्या तक्रारी जाणवतील. काळजी घ्या.

मीन - दत्त उपासना आज करणे योग्य राहील. देवाकडे काही मागता अनेक गोष्टी आज मिळतील. लॉटरी, रेस, शेअर्समध्ये भरभक्कम फायदा होईल. आपल्या प्रियजनांकडून प्रेमाचा वर्षाव होईल. दिवस चांगला आहे.