आज शुक्रवार दिनांक २६ सप्टेंबर २०२५ आहे. आज आश्विन महिन्यातील शुक्ल पक्षातील पंचमी तिथी असून हा दिवस धार्मिक दृष्ट्या अतिशय महत्त्वाचा मानला जातो. या तिथीला “ललिता पंचमी” म्हणून ओळखलं जातं. नवरात्रोत्सवाच्या काळातील ही पंचमी देवीची उपासना आणि स्तोत्रपठणासाठी विशेष मानली जाते.

शुक्रवारी ही तिथी आल्यामुळे घरगुती आणि सामाजिक कार्यांसाठीही शुभ वातावरण निर्माण होतं. आज सूर्योदय साधारण सकाळी ६:१७ वाजता झाला आणि सूर्यास्त सायंकाळी ६:१८ वाजता होईल. आज विशाखा नक्षत्र रात्री १०:०९ पर्यंत असून त्यानंतर अनूराधा नक्षत्राचा आरंभ होईल. चंद्र आज तूळ राशीतून वृश्चिक राशीत प्रवेश करेल.

राहुकाल, यमगंड आणि गुलिककाल यासारखे काही काळ अशुभ मानले गेले आहेत. मात्र अभिजित मुहूर्त, सर्वार्थसिद्धि योग आणि रवियोग यामुळे आजचा दिवस कार्यसिद्धीसाठी उत्तम ठरणारा आहे. धार्मिक कार्य, पूजेसाठी, व्यापार व्यवहार किंवा नवीन उपक्रम सुरू करण्यासाठी आजचे शुभ मुहूर्त अत्यंत अनुकूल मानले जात आहेत.

आजचं पंचांग

• तिथी: आश्विन शुक्ल पंचमी

• वार: शुक्रवार

• नक्षत्र: विशाखा रात्री १०:०९ पर्यंत, त्यानंतर अनूराधा

• चंद्र राशी: तूळ ते वृश्चिक

• सूर्योदय: सकाळी ६:१७

• सूर्यास्त: सायंकाळी ६:१८

• राहुकाल: सकाळी १०:४८ ते १२:१८

• यमगंड काल: दुपारी ३:१६ ते ४:४६

• गुलिक काल: सकाळी ७:५० ते ९:१९

• अभिजित मुहूर्त: ११:५४ ते १२:४१

• योग: रवियोग आणि सर्वार्थसिद्धि योग (विशेष शुभ)

कोणत्या चार राशींसाठी आजचा दिवस शुभ आहे?

मिथुन

मिथुन राशीच्या लोकांसाठी आजचा दिवस विशेषतः फलदायी आहे. व्यावसायिक व्यवहार यशस्वी होणार आहे. या काळात तुमची अडकलेली कामं पूर्ण होतील. नवीन करार किंवा करिअरमध्ये बदल यशस्वी ठरतील. आर्थिक स्थितीत सुधारणा होणार आहे. प्रवासातूनही लाभ होण्याची शक्यता आहे.

सिंह

सिंह राशीच्या लोकांना आज आत्मविश्वासाने घेतलेले निर्णय लाभदायी ठरतील. नोकरीत पदोन्नतीची संधी मिळेल, तर व्यवसायिक क्षेत्रात नवीन प्रकल्प हाताशी येतील. सामाजिक मान-प्रतिष्ठा वाढेल आणि तुमच्या कार्याचे कौतुक होईल. विद्यार्थी वर्गाला अभ्यासात प्रगती होईल. वैवाहिक आणि प्रेमसंबंध अधिक गोड होतील. आर्थिक लाभाचे नवीन मार्ग उघडतील.

वृश्चिक

वृश्चिक राशीच्या लोकांसाठी आजचा दिवस स्थैर्य आणि प्रगतीचा आहे. गुंतवणूक आणि व्यवहारातून चांगला फायदा होईल. नोकरीत वरिष्ठांचे मार्गदर्शन मिळणार आहे. विरोधक शांत राहणार आहेत. तुम्हाला वैवाहिक जीवनात समाधान मिळू शकतं.

मीन

मीन राशीच्या लोकांना आज मानसिक समाधान मिळणार आहे. कलाक्षेत्र, अध्यापन किंवा संशोधनाशी संबंधित लोकांना विशेष यश मिळू शकतं. अचानक धनलाभाची शक्यता आहे. या काळात तुम्हाला तुमच्या वरिष्ठांचं कौतुक मिळणार आहे. धार्मिक किंवा आध्यात्मिक कार्यात रस वाढण्याची शक्यता आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)