वैदिक पंचांगानुसार ग्रह ठराविक कालांतराने गोचर करतात. यावेळी काही ग्रहांची एकमेकांशी युती होते आणि या युतीचा परिणाम मानवजीवनावर तसंच जगभरातील घडामोडींवर दिसून येतो. येत्या 2 ऑक्टोबरला म्हणजेच दशऱ्याच्या दिवशी तूळ राशीत मंगळ आणि बुध युती होणार आहे.
ज्योतिषशास्त्रानुसार, बुध हा बुद्धीचा कारक मानला जातो. तर मंगळ हा शक्ती, साहस आणि उत्साहाचा कारक असून ग्रहांचा सेनापती मानला जातो. अशा वेळी बुध आणि मंगळाची युती म्हणजेच बुद्धी आणि शक्तीचा अद्भुत संगम होणार आहे. या संयोगामुळे काही राशींचं भाग्य उजळणार आहे. यावेळी कोणत्या राशींना अच्छे दिन येणार आहेत ते पाहूयात.
धनु राशीच्या लोकांसाठी मंगळ-बुध युती अत्यंत लाभदायक ठरू शकणार आहे. या काळात तुमच्या उत्पन्नात मोठी वाढ होण्याची शक्यता आहे. नवे उत्पन्नाचे मार्गही उघडणार आहेत. आर्थिक व्यवहार केल्यास तुम्हाला चांगला फायदा होणार आहे. व्यावसायिकांना मोठ्या प्रमाणात लाभ मिळू शकणार आहे. या काळात गुंतवणूक फायदेशीर ठरू शकते.***
मंगळ-बुध युती मेष राशीसाठी सकारात्मक परिणाम घडवणारी ठरू शकणार आहे. हा संयोग तुमच्या राशीपासून सप्तम भावात होणार आहे. त्यामुळे विवाहित व्यक्तींचं वैवाहिक जीवन अधिक आनंदी होणार आहे. व्यवसायात पार्टनरशिपमधून लाभ मिळू शकतो. तुमच्या साहसात आणि पराक्रमात वाढ होण्याची शक्यता आहे.
कर्क राशीसाठी मंगळ-बुध युती लाभप्रद ठरू शकणार आहे. हा संयोग तुमच्या राशीपासून चतुर्थ भावात होणार आहे. त्यामुळे भौतिक सुख-सुविधा वाढणार आहेत. वाहन किंवा मालमत्तेची प्राप्ती होण्याची शक्यता आहे. आर्थिकदृष्ट्या चांगले लाभ मिळू शकतात. संपत्तीशी संबंधित लाभ होऊ शकणार आहे. बिझनेसच्या कामातून चांगला पैसा हाती येईल.6
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.