पंचांग

गुरुवार,२० नोव्हेंबर २०२५,कार्तिक कृष्णपक्ष.

तिथी- अमावास्या १२|१७

रास-वृश्चिक

नक्षत्र-विशाखा

योग-शोभन

करण-नागकरण

दिनविशेष-अमावस्या वर्ज्य

मेष - काहीतरी गुढत्व घेऊन आलेला आजचा दिवस आहे. वेगळ्या काहीतरी गोष्टी मनात येतील. वेगळे वाचन, उत्खनन यामध्ये दिवस व्यस्त राहील. अचानक धनलाभ होण्याची शक्यता आहे.

वृषभ- संसारामध्ये गोडी गुलाबी ने राहण्याचा प्रयत्न अशी दोघांच्याकडून कृती राहील. आनंदी दिवस घालवण्याचा प्रयत्न कराल. त्यामुळे व्यवसायांमध्ये सुद्धा प्रगतीपथावर असला. दोन्ही गोष्टी एकमेकांवर अवलंबून असतात हे लक्षात घ्या.

मिथुन - जरी आपण ठरवले तरी तशाच गोष्टी होतात असं नाही. आजच्या दिवसामध्ये अडचणी या ठरलेल्या आहेत. पण तुमच्या पद्धतीने त्यावर मात कराल. फुफुसाशी निगडित आजार होतील. तब्येतीची काळजी घ्या.

कर्क - प्रेमामध्ये जिव्हाळ्याचे संबंध प्रस्थापित होतील. आपलेपण वाटून प्रेम वृद्धिंगत होईल. संततीकडूनही चांगल्या बातम्या कानावर येतील. कला, क्रीडा क्षेत्रात प्रगती आहे. अजून काय हवे. दिवस चांगला आहे.

सिंह - घर खरेदी, वाहन खरेदी यासाठी दिवस उत्तम आहे. मनातील गोष्टी पूर्ण होण्यासाठी वेगळे पंचांग बघण्याची आज गरज नाही. सगळ्या गोष्टी सहज होतील. "सुख आले दारी" असा दिवस आहे.

कन्या - आपली मुळात वक्तृत्व उत्तम असणारी रास आहे. समोरच्याला आपलेसे करण्यासाठी एखाद्या छानसे व्यासपीठ लाभेल. जवळचे प्रवास होतील. कामांमध्ये आपल्या लोकांच्याकडून वाहवा होईल.

तुळ - जोडीदाराच्या तब्येतीची आज काळजी घ्यावी लागेल. विनाकारण काही गोष्टी डोके वर काढतील. पण कुटुंबीयांच्या साथीमुळे पुढे जाल. पैशाची आवक जावक चांगली आहे.

वृश्चिक - अशक्य वाटणाऱ्या गोष्टी आज तुमच्याकडून सहज होतील. कामाला एक वेगळा हुरूप आणि छटा येईल. सकारात्मकता आणि प्रभाव या दोन्ही गोष्टींमुळे आज तुमचे व्यक्तिमत्व उजळून येईल.

धनु - खर्चच खर्च. होऊ दे खर्च. असा काहीसा दिवस आहे. हात आखडता घेऊन चालणारच नाही. पण आपली दोलायमान अवस्था टाळा. विनाकारण कटकटी वाढण्याची शक्यता आहे. तशी मानसिकता भक्कम करा.

मकर - जवळचे मित्र मैत्रिणी यांबरोबर आनंदाचे दिवस घालवाल. विविध लाभ होतील. गुंतवणुकीमधून फायदा आहे. दिवस चांगला आहे.

कुंभ - कामाचे वेगळे प्रशस्तीपत्र आज आपल्याला मिळेल. वरिष्ठांच्या कडून शाबासकीची थाप ठरलेली आहे. कामा निमित्त प्रवास होतील. त्यावेळी काही संशोधनात्मक गोष्टीमधून पुढे जाल.

मीन - दत्तगुरूंची कृपा आज आपल्यावर राहणार आहे. मानसिकता सात्विक आणि चांगली राहील. एक वेगळ्या प्रकारचे समाधान आज लाभेल. देवदर्शनाचे योग आहेत. नातवंड सौख्याच्या दृष्टीने दिवस चांगला आहे.