पंचांग

गुरुवार,१६ ऑक्टोबर २०२५,अश्विन कृष्णपक्ष.

तिथी-दशमी १०|३६

नक्षत्र-आश्लेषा

रास-कर्क १२|४२ नं. सिंह

योग-शुभ

करण-विष्टीकरण

दिनविशेष-११ नं. चांगला

मेष - कामानिमित्त प्रवासाला जाण्याचे योग आहेत. मित्र-मैत्रिणींच्या सहवासाने मन प्रफुल्लीत राहील. नव्याने काही गोष्टीच्या योजना केल्या असल्यास त्या अमलात येतील.

वृषभ- गुरुकृपा लाभून पुढे जाण्याचे योग आहेत. एखादी महत्त्वाची घटना घडेल आणि नवीन जबाबदारी अंगावर येऊन पडेल. जुने रखडलेले पत्र व्यवहार आज मार्गी लागणार आहेत.

मिथुन - व्यवसायामध्ये अडीअडचणी आल्या तरी सुद्धा नवीन तंत्र आणि मंत्र आज अमलात आणणार आहात. कुटुंबीयांचे अपेक्षित सहकार्य मिळाल्यामुळे कामाला हुरूप येईल.

कर्क - रखडलेली कामे आज मार्गे लागणार आहेत. एकूणच मनोबल आणि आत्मविश्वास वाढेल वाढणाऱ्या घटना घडल्यामुळे मन प्रसन्न आणि आनंदी राहील. दिवस चांगला आहे.

सिंह - "करायला गेलो एक, झालं एक". अशा काही गोष्टी आज होण्याची शक्यता आहे. आपल्या वस्तू गहाळ होणार नाहीत ना याची सुद्धा दक्षता घ्या. हितशत्रूंचा त्रास संभवतो आहे.

कन्या - पैसा हा आपल्या दृष्टीने आयुष्यात खूप महत्त्वाचा आहे. हिशोबी असणारी आपली रास आहे. मात्र आज आर्थिक लाभाचे प्रमाण चांगले राहील उत्साह आणि उमेद वाढेल.

तुळ - कष्ट आणि मेहनतीला आपली रास कधीही मागे पडत नाही. तुमच्या कार्यक्षेत्रात तुम्ही केलेल्या कामाचा गौरव होईल. प्रतिष्ठा लाभेल. नव्याने प्रसिद्धी मिळेल. नवीन नवीन संधी सुद्धा येतील.

वृश्चिक- काही महत्त्वाच्या गोष्टी आयुष्यात लवकरच चांगल्या घडणार आहेत. ज्याची वाट पाहत आहात अशा आनंद वार्ता आज कानी येतील. त्यामुळे मन आशावादी होऊन पुढे जाण्यासाठी तयार राहील.

धनु - कोणाचेही सहकार्याची आज अपेक्षा करूच नका. "आपण भले आपले काम भले" हाच फंडा आजमवाल तर बरे राहील. खर्चाचे प्रमाणही वाढते राहील. काळजी घ्या.

मकर - भागीदारी व्यवसायामध्ये सुयश लाभण्याचा आज दिवस आहे. दैनंदिन कामे सुद्धा मार्गी लागतील. वैवाहिक जोडीदाराचा सुद्धा याला हातभार मिळेल. दिवस संमिश्र आहे.

कुंभ - काहींना आरोग्याच्या तक्रारी आज जाणवतील .कर्मचारी वर्गाचे सहकार्य लाभेल. नोकरीमध्ये अडचणी आणि संकटे जरी असतील तरी यातून सुखरूप बाहेर पडाल.

मीन - संतती सौख्याच्या दृष्टीने दिवस चांगला आहे. हाती घेतलेल्या कामांमध्ये यश मिळेल. क्रीडा क्षेत्रामध्ये, कलाक्षेत्रात प्रगती होईल.