आजचे पंचांग

शनिवार,१३ सप्टेंबर २०२५,भाद्रपद कृष्णपक्ष,सप्तमी श्राद्ध, उत्तरा रवि.

तिथी-षष्ठी ०७|२४

सप्तमी २९|०५

रास- वृषभ

नक्षत्र- कृत्तिका

योग-हर्षण

करण-वणिज ०७|२४

विष्टीकरण १८|१२

दिनविशेष-क्षयतिथी

मेष - एखादे गोष्ट ठरवून तशी होत नसते तर नशिबाने घ्यावे लागते. अनेक संधी येतील. धनयोग उत्तम असा दिवस आहे. मात्र राशीप्रमाणे रागात रस न घेता गोड बोलून कामे करून घ्यावीत.

वृषभ - आजवर केलेल्या गोष्टींची चांगली फळ तुम्हाला आज मिळणार आहे. स्वतःतील सकारात्मक गोष्टी शोधून काढून त्याच्यावर कामे कराल. आनंदासाठी दिवस खर्च कराल.

मिथुन - "देव आला द्यायला झोळी नाही घ्यायला" असा काहीसा दिवस आहे. हातून अनेक चुका होतील. अनेक संधी निसटून जातील. मानसिकता उद्विग्न राहील. चिडचिड वाढेल. काळजी घ्यावी.

कर्क - नात्याचा ओलावा आज विशेषत्वाने जाणवेल. आपल्या स्वभावाचा आपल्याला निश्चित फायदा होणार आहे. शेजारी सहकार्य मिळेल. अनेक लाभ आजच्या दिवसात होतील.

सिंह - पद, पैसा, मानसन्मान प्रतिष्ठा याच्यासाठी आपली रास कायमच झगडते. त्यासाठी हात सैल सोडून उदारपणे खर्चही करता, दानही करता. आज या सर्व गोष्टींची चांगली फळे तुम्हाला मिळणार आहेत. कार्यक्षेत्र रूंदावणार आहे.

कन्या - विष्णू उपासना करा. भाग्याचे दारी खुली होतील. सोपेपणाने दिवस जाईल. पुत्र, पौत्र सुख यासाठी दिवस चांगला आहे. लांबचे प्रवास सहज घडून येतील.

तूळ - अचानक धनलाभ संभवतो आहे. जोडीदाराकडूनही पैसे मिळतील किंवा जोडीदाराच्या कुटुंबीयांचा वरदहस्त आपल्यावर राहील. महत्त्वाच्या घटना घडतील पण अडचणींचा सामना करावा लागेल.

वृश्चिक - "प्रेमाने जग जिंकता येतं" हे आज समजेल. नेतृत्वगुणाने बहरलेला दिवस असेल. अनेक कामे एकटेच लिलया कराल. अर्थात संसार सुख आज चांगले मिळेल.

धनु - जुने रोग, आजार आज डोके वर काढतील. उष्णतेचे त्रास संभाळा. नोकरीत मात्र बढतीचे योग आहेत. आपले कोण परके कोण हे ओळखून आज कामे करा.

मकर - शिव उपासना करावी. शेअर्समध्ये फायदा आहे. मोठी गुंतवणूक आज करायला हरकत नाही. आपले वर्चस्व आज अबाधित राहील. दिवस चांगला आहे.

कुंभ - मातृसौख्य चांगले मिळेल. एकमेकांच्या कुटुंबीयातील इच्छा पूर्ण करण्यासाठी तुम्ही पुढे सरसवाल. बौद्धिक कामांमध्ये विशेष यश मिळेल. शेतीचे व्यवहार होतील.

मीन - पत्रव्यवहार मार्गी लागतील. लेखन क्षेत्रात विशेष प्रगती होईल. आपला पराक्रम सिद्ध कराल. जवळच्या व्यक्तींकडून शाब्बासकीची थाप मिळेल. दिवस चांगला आहे.