Maharashtra News Live Update:बुलढाण्यात धीरेंद्र शास्त्रींवर गुन्हा दाखल करण्यासाठी पहिली तक्रार; शिवप्रेमी आक्रमक

बीड जिल्ह्यातील 27 ग्रामपंचायतींमधील 31 रिक्त जागांसाठी काल मतदान पार पडली आहे. यामध्ये 12 सरपंच आणि 19 सदस्य पदांचा समावेश आहे बीड जिल्ह्यातील या ग्रामपंचायतींचा निकाल आज हाती येणार यामध्ये विशेष म्हणजे दिवंगत सरपंच संतोष देशमुख यांच्या हत्या प्रकरणानंतर मास्साजोग मध्ये देखील पोटनिवडणूक झाली असून या निकालाकडे संपूर्ण राज्याचे लक्ष लागले आहे

बीडच्या परळी वैजनाथ येथील रेल्वे स्थानक परिसरातून उत्तर प्रदेश राज्यातील एक १२ ते १३ वर्ष वयोगटाची मुलगी बेपत्ता झाल्याची प्राथमिक माहिती समोर येत आहे. या घटनेमुळे परिसरात खळबळ उडाली असून रेल्वे पोलीस प्रशासनाकडून तिचा शोध घेतला जात आहे.

बुलढाणा येथे छत्रपती शिवरायांबाबत कथित अवमानकारक वक्तव्य केल्याच्या आरोपावरून धीरेंद्र शास्त्री यांच्याविरोधात गुन्हा दाखल करण्यासाठी तक्रार नोंदविण्यात आली आहे. आझाद हिंद शेतकरी संघटनेचे राष्ट्रीय अध्यक्ष सतीशचंद्र रोठे यांनी फिर्यादी म्हणून लेखी तक्रार दाखल केली आहे.

मंत्री राधाकृष्ण विखे पाटील हे आज धुळे शहरात पुण्यश्लोक अहिल्यादेवी होळकर जलयात्रा गोदा ते नर्मदा या यात्रेनिमित्त धुळ्यात आले असता धुळेकरांनी या यात्रेचे मोठ्या जल्लोषात स्वागत केले आहे,

राज्याचे मुख्यमंत्री मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्राताई अजित पवार यांच्या मार्गदर्शनाखाली गोदा ते नर्मदा जलयात्रा सुरू म्हणत मंत्री विखे पाटील यांनी या यात्रेच्या माध्यमातून दुष्काळमुक्त महाराष्ट्राचा संकल्प साकार करण्याचा प्रयत्न असल्याची भावना पाटील यांनी व्यक्त केली आहे,