पंचांग

शनिवार,२५ ऑक्टोबर २०२५,कार्तिक शुक्लपक्ष,विनायकी चतुर्थी.

तिथी- चतुर्थी २७|४९

नक्षत्र-अनुराधा

रास-वृश्चिक

योग-शोभन

करण-वणिज

दिनविशेष-ज्येष्ठा वर्ज्य

मेष - पैशाची आवका जावक म्हणण्यापेक्षा खर्चाचे प्रमाण वाढते राहील. तब्येतीच्या तक्रारी, वाहनांपासून सावधगिरी बाळगावी लागेल. कोणाच्या सहकार्याची अपेक्षा न करता पुढे जावे लागेल.

वृषभ - वैवाहिक जीवन खूप छान असेल.सुसंवाद साधला जाईल. तुमचे निर्णय आणि अंदाज अचूक ठरतील. कोर्टाच्या कामात सुद्धा यश मिळेल. दिवस चांगला आहे.

मिथुन - खर्चाचे प्रमाण वाढते राहणार आहे. मात्र त्याचबरोबर आपल्या वस्तू गहाळ होणार नाहीत ना याची काळजी घ्यावी. नोकरी व्यवसायामध्ये दगदग झाली तरी सुद्धा यश मिळेल.

कर्क - कामाच्या ठिकाणी अंदाज अचूक ठरतील. प्रवासाचे योग आहेत . उपासनेच्या मार्गांमधून पुढे जाल. शिव उपासना करावी. नवनवीन गोष्टी शिकण्यासाठी पुढाकार घ्याल.

सिंह - राहत्या जागेचे काही प्रश्न असतील तर ते मार्गी लागतील. मन प्रसन्न आणि शांत वाटेल. कुटुंबीयांच्या सहकार्याने चांगल्या काही घटना घडतील.

कन्या - एकूणच तुमच्या कर्तुत्वाला चांगला आयाम मिळणार आहे. जिद्द आणि चिकाटीने पुढे जाणार आहात. सहज सोप्या गोष्टी घडताना काही जबाबदाऱ्याही अंगावर येतील.

तूळ - जुनी उसनवारी वसूल होईल. कौटुंबिक सौख्याला दिवस चांगला आहे. धनलाभ होतील. जोडीदाराच्या तब्येतीची काळजी घ्यावी लागेल.

वृश्चिक - दैनंदिन कामामध्ये चांगल्या प्रकारे गती येईल. अडकलेली कामे मार्गी लागतील. तब्येतीच्या काही तक्रारी असतील तर आज कमी होण्याच्या संभव आहे.

धनु - महत्वाची कामे शक्यतो उद्याच केलेली बरे. कारण ती रखडण्याची शक्यता आहे. विनाकारण कामांमध्ये येणाऱ्या अडचणी बघून मनोबल कमी राहील. काळजी घ्यावी.

मकर - अनेकांच्या सहकार्याने पुढे जाण्याचे योग आहेत. तुम्ही घेतलेले निर्णय योग्य ठरतील आणि कामे मार्गी लागतील. धन लाभाला दिवस चांगला आहे.

कुंभ - एकूणच आपल्याला राशीला आजचा दिवस छान आहे. मनोबल आणि आत्मविश्वास यांत वाढ होईल. तुमच्या व्यक्तिमत्त्वाचा इतरांवर प्रभाव होईल. समाजकारण राजकारणामध्ये घोडदौड होईल.

मीन - हाती घेतलेले काम नेटाने होईल. कामांमध्ये सुयश मिळेल. मानसिक स्वास्थ आणि समाधान यांनी भरलेला आजचा दिवस आहे. दत्तगुरूंची उपासना करावी. सदगुरु भेटतील.