आजचे पंचांग

शनिवार,४ ऑक्टोबर २०२५,अश्विन शुक्लपक्ष,शनिप्रदोष.

तिथी-द्वादशी १७|१०

नक्षत्र-धनिष्ठा

रास-कुंभ

योग-शूल

करण-बालव

दिनविशेष-उत्तम दिवस

मेष - मनातील सर्व इच्छा पूर्ण होण्याचा आजचा दिवस आहे. मित्र-मैत्रिणींबरोबर एखादे सेलिब्रेशन कराल. आपला दरारा आणि दबदबा नातेवाईकांवर आणि स्नेहीजनांवर राहील. धन योगाला दिवस उत्तम आहे.

वृषभ - कलाकारांना विशेष गती आणि प्रगती मिळण्याचा आजचा दिवस आहे. स्वार्थ आणि परमार्थ दोन्ही साधता येईल. आपला आजचा दिवस म्हणजे कर्माचा लेखाजोखा आहे. त्यामुळे आपल्या बाजूने चांगले कार्य करत रहा.

मिथुन - विष्णू उपासनेने मनोरथ पूर्ण होतील.लांबचे प्रवास होण्याचा आजचा दिवस आहे. काही चांगल्या वार्ता गाणी येतील. ज्यामुळे आपला उल्हास आणि उत्साह वाढता राहील. प्रेम शिंपणारा दिवस असेल. शनि प्रदोष विशेष उपासना करावी.

कर्क - कितीही केले तरी आपल्याला केलेल्या गोष्टीचे क्रेडिट मिळत नाही ही भावना आज जाणवेल. कदाचित एकटे पडले आहोत असेही वाटेल. पण "धीर धरा धीरा पोटी, फळे रसाळ गोमटी" असा संदेश द्यायला दिवस आलेला आहे.

सिंह - आपले वर्चस्व व्यवसायामध्ये राहणार आहे. अर्थात एखादी गोष्ट आपण जी करतो त्यावर तुमचा आत्मविश्वास खूप असल्यामुळे घटना घडतात. आयुष्याला कलाटणी मिळणाऱ्या गोष्टी सुद्धा घडतील. कोर्टाचे निकाल मनाप्रमाणे लागतील.

कन्या - "मन चिंती ते वैरी न चिंती" असा दिवस आज दिसतो आहे. विनाकारण संशय विनाकारण चिंता या आज टाळाव्यात. मानसिक उद्रेक होणार नाही त्यासाठी आपल्या जवळच्या लोकांच्या संपर्कात सकारात्मक देवाणघेवाण साठी जा. आजोळी प्रेम मिळेल

तूळ - रसिक आणि गुलाबी असणारी आपली रास. आज आपल्या प्रेयसी आणि प्रियकराबरोबर आनंदाचे क्षण व्यतीत करणार आहात. प्रेमाची वचने, देवाण-घेवाण यांनी प्रणय फुलेल असा दिवस सांगतो आहे. लक्ष्मी उपासना करावी. धनयोग सुद्धा येतील. प्रदोष सत्कारणी लागेल.

वृश्चिक - जमिनीशी निगडित व्यवसाय क्रियविक्रय बैठका, घराची बांधकामे हे विषय मागे पडले असतील तर आज ते सुरळीत होण्याचा संभव आहे. अर्थात यासाठी कुटुंबीयांची भक्कम साथ आपल्याला आज मिळेल.

धनु - भावंडांवर विशेष प्रीती जडेल. अर्थात एखाद्या भावंडांचा भक्कम पाठिंबा आपल्याला मिळाल्यामुळे उत्साह आणि उमेद वाढवणाऱ्या घटना घडणार आहेत. जवळचे प्रवास होतील. प्रवासामधून प्रगतीचे दिसत आहेत.

मकर - "केल्याने होत आहे रे आधी केलेची पाहिजे" आज आपण कष्ट आणि मेहनत करत आहात त्याचे योग्य ते फळ मिळणार आहे. सामाजिक क्षेत्रामध्ये पुढाकार घ्याल. कुटुंबियांच्या सल्ल्याने पुढे जाल. दिवस संमिश्र आहे.

कुंभ - संशोधनात्मक कार्य आज आपल्याकडून घडण्याचा दिवस आहे. नकारात्मकता निघून जाईल. एकटेच आपण सर्व कार्य करणारा पुरेसे आहोत असा एक वेगळा आत्मविश्वास असतो त्यात आज राहणार आहात. दिवस आनंदी आहे.

मीन - काही गोष्टी आपल्या साध्या स्वभावामुळे अडकण्याचे योग आज दिसत आहेत. छक्के पंजे ओळखून समोरच्याशी व्यवहार करणे गरजेचे आहे. विनाकारण कटकटी मागे लागतील. अकारण खर्चही होतील. काळजी घ्या.