Mumbai-Pune Expressway Accident: मुंबई-पुणे एक्सप्रेसवर भयंकर अपघात, ५ गाड्या एकमेकांवर आदळल्या, ३ जणांचा जागीच मृत्यू

सचिन कदम, साम टीव्ही प्रतिनिधी

Mumbai Pune Expressway multi vehicle accident near Khopoli tunnel full details : मुंबई-पुणे एक्सप्रेस वेवर ५ गाड्यांच्या भीषण अपघातात ३ जणांचा मृत्यू झाला आहे. पुण्याहून मुंबईकडे जाणाऱ्या लेनवर खोपोलीजवळ नवीन बोगद्याजवळ अपघात झाल्याची माहिती मिळाली आहे. अपघातानंतर मुंबईकडे जाणाऱ्या मार्गावर प्रचंड वाहतूककोंडी झाली. वाहनांच्या लांबच लांब रांगा लागल्याची माहिती देण्यात आली आहे. अपघाताची माहिती मिळताच पोलिसांनी घटनास्थळी धाव घेतली असून बचावकार्य सुरू कऱण्यात आले आहे.

मुंबई पुणे एक्सप्रेस वे वर नवीन बोगद्याजवळ काहीवेळापूर्वी भीषण अपघात झालाय.अपघातात तीन जणांचा जागीच मृत्यू झाला आहे. पोलिसांकडून या तीन जणांची ओळख पटवण्याचे काम कऱण्यात येत आहे. अपघातानंतर पोलिसांनी तिघांचेही मृतदेह पोस्टमार्टमसाठी पाठवण्यात आले आहे. पोलिसांनी अपघातग्रस्त वाहने तात्काळ बाजूला करून वाहतूक सुरळीत कऱण्याचा प्रयत्न केला जात आहे. वाहतूक पोलिसांकडून या अपघात प्रकरणाची नोंद करण्यात आली आहे.

मिळालेल्या माहितीनुसार, पुण्याहून मुंबईकडे जाणाऱ्या मार्गांवर खोपोली एक्झिट जवळील नवीन बोगद्यात थोड्या वेळापूर्वी अपघात झाला. चार ते पाच गाड्या एकमेकांवर आदळल्यामुळे भयंकर अपघात झाला. या अपघातात ३ जणांचा जागीच मृत्यू झाला. तर चार जणांना दुखापत झाल्याचे समजतेय. जखमींना पोलिसांकडून तात्काळ रूग्णालयात दाखल कऱणयात येत आहे.

खोपोली एक्झिटजवळ असलेल्या नवीन बोगद्यात आज सकाळी चार ते पाच वाहनांचा अपघात झाला. कार, कंटेनर आणि टँकरची एकमेंकाना जोरात धडक झाली.अपघात इतका भंयकर होता की कारचा चेंदामेंदा झाल्याचे व्हिडिओत दिसत आहे. अपघातानंतर उपस्थित असणार्‍यांनी तात्काळ मदत करण्यासाठी धाव घेतली. पोलीसही घटनास्थळाकडे पोहचले. आय आर बी पेट्रोलिंग, देवदूत यंत्रणा, बोरघाट महामार्ग वाहतूक पोलीस यंत्रणा, खोपोली पोलीस स्टेशनची यंत्रणा, डेल्टा फोर्स, महाराष्ट्र सुरक्षा बल, मृत्युंजय देवदूत आणि हेल्प फाउंडेशन मार्फत मदत कार्य सुरू करण्यात आले आहे.