आजचे पंचांग

गुरुवार,५ डिसेंबर २०२४,मार्गशीर्ष शुक्ल पक्ष.

तिथी- चतुर्थी १२|५०

रास-मकर

नक्षत्र-उत्तराषाढा

योग- वृद्धि

करण-विष्टिकरण

दिनविशेष-१३ नं.चांगला

मेष - समाजकारण आणि राजकारण या दोन्ही गोष्टींमध्ये आज आपली योग्य घोडदौड होईल. पडद्यामागचे भूमिका घेण्यापेक्षा आपण केलेले काम इतरांपुढे येणं हे जास्त चांगलं आहे. दिवस आनंदी.

वृषभ- लांबच्या ठिकाणी पर्यटनाचे योग आहेत. अध्यात्म आणि पर्यटन या दोन्हीची सांगड घालण्याचा आज प्रयत्न कराल. नातवंडाकडून आनंदी क्षण अनुभवाल.आज देवी उपासना फलदायी ठरेल.

मिथुन - अचानक धनलाभाची आज शक्यता आहे. मोठ्या प्रमाणात पैसा मिळेल. सरकारी कामांमध्ये मात्र जपून पाऊल टाकावे. दिवस दगदगीचा राहील.

कर्क - कोर्टाच्या कामामध्ये यश मिळेल. कामाचे स्वरूप वाढते राहील. भागीदाराचा योग्य सल्ला आज नफा वाढी मध्ये फायदेशीर ठरेल.

सिंह - तब्येतीची विशेष काळजी घ्या.तुमच्याच मनस्थितीचा अंदाज तुम्हाला नीट येणार नाही. इतरांकडून अपमानाचे घोट आज पचवावे लागतील. आपल्या अहंकारावर अंकुश ठेवणं योग्य राहील.

कन्या - लॉटरी, रेस, शेअर्स यामध्ये विशेष फायदा दिसतो आहे. विष्णू उपासना फलदायी ठरेल. कलाकारांच्या कला बहरतील. दिवस आनंदी राहील.

तूळ - घरामध्ये नवीन गोष्टीची खरेदी होईल .घराच्या सजावटीमध्ये पैसा खर्च करण्याची इच्छा राहील. कुटुंबीयांचे मन जपाल. दिवस संमिश्र आहे.

वृश्चिक - नवीन जबाबदारी अंगावर येईल .त्याचे तुम्ही स्वागतच कराल. तसेही तुमच्यामध्ये कर्तृत्वाच्या दृष्टीने अनेक उत्तम गुण आहेत. आज त्याच्याकडे डोळे उघडे ठेवून पहा. स्वतःवर एक वेगळा विश्वास वाटेल.

धनु - गोडधोडाचे बेत आज दिवसभरात दिसत आहेत. पैशाची गुंतवणूक फायदेशीर ठरेल. लक्ष्मीची विशेष कृपा आज आपल्यावर राहणार आहे. दिवस समाधानी असेल.

मकर - कष्टाला बगल देऊन स्वतःसाठी जगण्याचा निश्चय घ्याल. मनमोकळेपणाने जगायला आवडेल कलंदर वृत्ती जागृत होईल आणि दिवस सुखाचा असेल.

कुंभ - परदेशगमनाचे योग आहेत किंवा अशा गोष्टींचे नियोजन कराल. मनामध्ये सुप्त राहिलेल्या गोष्टींकडे मन आकृष्ट होईल पण भावनेच्या भरात पैशाशी निगडित मोठे निर्णय नकोत.

मीन - कुटुंबीयांचा काही कारणामुळे रोष पत्करावा लागेल. एखाद्या गोष्टीचा लगेच फायदा होत नाही मात्र जुन्या केलेल्या गोष्टींचे गुंतवणूक आज फायदेशीर ठरेल. मन खंबीर ठेवून वाटचाल करावी लागेल.