वैदिक ज्योतिषानुसार ग्रहांचा राजा सूर्यदेव दर महिन्याला राशी परिवर्तन करतात. याचा परिणाम 12 राशींवर तर होतोच, पण देश-विदेशातही दिसून येतो. डिसेंबर महिन्याच्या शेवटी सूर्य धनु राशीत प्रवेश करणार आहे. 14 जानेवारी 2026 पर्यंत म्हणजे मकर संक्रांतीपर्यंत या राशीत राहतणार आहे. या काळात सूर्याची एखाद्या ग्रहासोबत युती होण्याची शक्यता आहे.

20 डिसेंबर रोजी सूर्याची युती शुक्रासोबत होणार आहे. तर याच दिवशी शुक्रही धनु राशीत प्रवेश करणार आहे. अशा स्थितीत सूर्य-शुक्राच्या युतीमुळे शुक्रादित्य राजयोग तयार होणार आहे. या राजयोगाचा परिणाम सर्व राशींवर दिसून येणार आहे. मात्र तीन राशींसाठी हा काळ विशेष लाभदायी ठरणार असून त्यांना अपार यश, संपत्ती आणि कीर्ती मिळू शकते.

तूळ रास (Libra Zodiac)

तूळ राशींच्य व्यक्तींसाठी शुक्रादित्य राजयोग सुख-सुविधा आणि भौतिक आनंद वाढवणारा ठरणार आहे. संतानाकडून चांगली बातमी मिळण्याची शक्यता आहे. मानसिक आणि शारीरिक शांती मिळू शकणार आहे. आर्थिक स्थिती मजबूत राहणार आहे. नवीन व्यवसाय सुरू करण्यासाठी हा काळ उत्तम ठरू शकतो. कुटुंबासोबत आनंदी वेळ घालवाल.

मिथुन रास

मिथुन राशीच्या जातकांसाठी सूर्य-शुक्राची युती अत्यंत लाभदायी ठरू शकणार आहे. त्यामुळे या राशीच्या जातकांचे दीर्घकाळापासून अडकलेले काम पूर्ण होईल आणि धन-धान्यात वाढ होईल. यावेळी करिअरमध्ये मोठा फायदा होणार आहे. उच्च शिक्षणाचं तुमचं स्वप्न पूर्ण होऊ शकणार आहे. कौटुंबिक नातेसंबंध अधिक गोड होऊ शकणार आहेत.

सिंह रास (Leo Zodiac)

सिंह राशीसाठी शुक्रादित्य राजयोग अत्यंत लाभदायी ठरणार आहे. सूर्य आणि शुक्राच्या युतीने जीवनात सकारात्मक बदल दिसतील. सूर्य हा तुमच्या राशीचा स्वामी असल्याने भौतिक सुख-सुविधांमध्ये वाढ होणार आहे. या काळात तुम्हाला पालकांचा पूर्ण पाठिंबा मिळणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)