वैदिक ज्योतिषशास्त्रानुसार, ग्रहांचा राजकुमार म्हणून बुध ग्रहाला संबोधलं जातं. बुध ग्रह हा दुसरा असा ग्रह आहे जो सर्वात वेगाने त्याच्या राशीमध्ये बदल करतो. सध्या बुध वृश्चिक राशीत मंगळासोबत विराजमान आहे. मुख्य म्हणजे हे दोन्ही ग्रह अस्त अवस्थेत आहेत. दोन्ही ग्रहांच्या अस्त अवस्थेत काही भावांमध्ये त्यांच्या संयोगातून विपरीत राजयोग तयार होणार आहेत. हा योग नोकरी करणाऱ्यांसाठी आणि व्यापाऱ्यांसाठी अत्यंत लाभदायी ठरू शकतो.

मंगळ आणि बुधाच्या संयोगातून तयार झालेला हा शक्तिशाली योग काही राशींच्या व्यक्तींसाठी लाभदायक ठरणार आहे. बुध 12 नोव्हेंबर रोजी संध्याकाळी 5:53 वाजता वृश्चिक राशीत अस्त झाला. या राजयोगाच्या निर्मितीमुळे कोणत्या राशींना लाभ होणार आहे ते पाहूयात.

मेष रास (Mesh Zodiac)

मेष राशीच्या व्यक्तींसाठी हा योग अत्यंत लाभदायी ठरू शकणार आहे. मंगळ आणि बुधाची युती होऊन विपरीत राजयोग तयार झालाय. दोन्ही ग्रह अस्त अवस्थेत असले तरी या काळात आकस्मिक धनलाभ होऊ शकतो. कुटुंबासोबत आनंदी वेळ घालवता येईल. अहंकारातून मुक्ती मिळेल.

कन्या रास (Kanya Zodiac)

कन्या राशीच्या तिसऱ्या भावात विपरीत राजयोग तयार होणार आहे. बुध मंगळ युती या राशीच्या जातकांसाठी अत्यंत लाभदायी ठरू शकणार आहे. करिअरमध्ये दीर्घकाळापासून केलेल्या प्रयत्नांना यश मिळणार आहे. या काळात तुमचा आत्मविश्वास वाढणार आहे. शत्रूंवर विजय मिळवू शकणार आहात.

धनु रास (Dhanu Zodiac)

धनु राशीच्या व्यक्तींसाठी हा योग अत्यंत अनुकूल ठरू शकणार आहे. या राशीच्या बाराव्या भावात विपरीत राजयोग तयार होतोय. बुध–मंगळाच्या कृपेने मान–सन्मान, पद–प्रतिष्ठा मिळू शकणार आहे. नोकरी बदलण्याचा विचार करत असाल तर या काळात लाभ मिळण्याची शक्यता आहे. जीवनात आनंदाचे वातावरण राहणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)