चित्रपटसृष्टीतून एक अत्यंत दुःखद आणि धक्कादायक बातमी समोर आलीय.काप्पी स्क्वाड या वेब सीरिजचे दिग्दर्शक बेलराज कलारिकल यांचे निधन झालंय. बेलराज कलारिकल हे 28 वर्षांचे होते. कोची येथील एका हॉटेलच्या खोलीत त्यांचा मृतदेह आढळला होता. बेलराजच्या अचानक झालेल्या निधनानं चित्रपटसृष्टीत शोककळा पसरलीय.कलारिकल यांच्या निधनाने अनेकांना धक्का बसलाय. बेलराज कलारिकल यांचं महिन्यापूर्वीच त्यांचा विवाह झाला होता.

समोर आलेल्या माहितीनुसार, कोची येथील एका हॉटेलच्या खोलीत ते मृतावस्थेत आढळून आले. त्यांच्या अचानक जाण्याने संपूर्ण मल्याळम चित्रपटसृष्टीत तसेच त्यांचे मित्र आणि सहकाऱ्यांमध्ये शोककळा पसरलीय. दिग्दर्शनाखाली तयार झालेली पहिलीच सिरीज काही दिवसांपूर्वीच प्रेक्षकांच्या भेटीस आली होती. हाती आलेल्या माहितीनुसार कलारिकल यांचे निधन हे हृदयविकाराचा झटक्याने झालंय.

बेलराज कलारिकल हे मूळचे कोट्टयममधील मणिमाला येथील राहणारे होते. ते सध्या दिग्दर्शक श्रीकांत यांच्यासोबत कोची येथील एका हॉटेलमध्ये राहत होते. घटनेच्या दिवशी श्रीकांत यांनी अनेकवेळा दरवाजाची बेल वाजवली, परंतु बेलराज यांनी दरवाजा उघडला नाही. त्यानंतर संशय आल्यावर पाहणी केली असता बेलराज यांचा मृत्यू झाल्याचे उघडकीस आले.

बेलराज महिन्याभरापूर्वीच विवाहबंधनात अडकले होते. तब्बल 6 वर्षे एकमेकांना डेट केल्यानंतर त्यांनी 11 सप्टेंबर 2026 रोजी अथिरा बिंदू साबू यांच्याशी विवाह केला होता. मात्र लग्नाला अवघा एक महिना पूर्ण झाला होता. या घटनेमुळे त्यांचे कुटुंबावर दु:खाचा डोंगर कोसळला. जिओ हॉटस्टारने आपल्या अधिकृत इंस्टाग्राम हँडलवरून बेलराज यांना श्रद्धांजली वाहिली आहे. बेलराज यांच्या दिग्दर्शनाखाली बनलेली काप्पी स्क्वाड ही वेब सिरीज 15 ऑक्टोबरपासून ‘जिओ हॉटस्टार’ वर प्रदर्शित झाली होती.