Wake Up Sid Movie Part 2:

बॉलिवूड अभिनेता रणबीर कपूर सध्या चर्चेत आहे. रणबीरच्या 'अॅनिमल' चित्रपटाने प्रेक्षकांना भूरळ पाडली आहे. या चित्रपटानंतर आता लवकरच रणबीरचा नवीन चित्रपट येणार असल्याची चर्चा सोशल मीडियावर होत आहे. रणबीरच्या 'वेक अप सिड' चित्रपटाचा सिक्वेल येत असल्याच्या चर्चा सुरु आहेत. (Latest News)

रणबीर कपूरचे 'ये जवानी है दिवानी', 'वेक अप सिड', 'बर्फी' या चित्रपटाने सर्वांनाच वेड लावले होते. चित्रपटातील रणबीरचा साधेपणा हा प्रेक्षकांना चांगलाच भावला होता. मात्र, गेल्या काही दिवसांत रणबीर डॅशिंग, अॅक्श हिरो या भूमिकांमधून प्रेक्षकांच्या भेटीला आला आहे. रणबीरचा साधेपणा असलेल्या भूमिकांना प्रेक्षक मिस करत असल्याचे दिसत होते. तर आता रणबीर पुन्हा तशाच भूमिकेतून प्रेक्षकांच्या भेटीला येणार असल्याच्या चर्चा होत आहे. रणबीरच्या वेक अप सिड चित्रपट येणार असल्याचे सांगण्यात येत आहे.

'वेक अप सिड' चित्रपटाचा सिक्वेल येणार असल्याची चर्चा आहे. या चर्चा होण्यामागचं कारण म्हणजे करण जौहरने शेअर केलेला व्हिडिओ. करण जौहरने नुकताच रणबीरचा एक व्हिडिओ पोस्ट केला आहे. व्हिडिओत रणबीर झोपलेला असतो. त्यानंतर अचानक कोंकणा सेन शर्मा 'सिड, इट्ल ऋषी डे' असं म्हणते आणि रणबीर जागा होतो. त्यामुळेच चित्रपटाचा सिक्वेल येणार असल्याच्या चर्चांना उधाण आले होते. त्यानंतर रणबीर आणि कोंकणाचे काही फोटो सोशल मीडियावर व्हायरल झाले आहेत.

करणच्या या व्हिडिओवर वेक अप सिड २ येणार का? चित्रपटाची आतुरतेने वाट पाहत आहोत, अशा कमेंट्स चाहत्यांनी केल्या आहेत. रणबीरच्या करिअरच्या सुरुवातीच्या काळातील 'वेक अप सिड' हा एक चित्रपट. रणबीरच्या या चित्रपटाला प्रेक्षकांनी चांगली पसंती दर्शवली होती.