Pathaan: गेल्या वर्षी अनेक बॉलिवूड चित्रपट चांगलेच फ्लॉप ठरले होते. काही क्वचित चित्रपटांनीच बॉक्स ऑफिसवर आपली जादू दाखवली. गेल्या वर्षात दाक्षिणात्य चित्रपटांची बॉक्स ऑफिसवर बरीच हवा होती. पण या वर्षाच्या सुरुवातीला प्रदर्शित झालेल्या 'पठान'ने अनेक चित्रपटांचे रेकॉर्ड मोडीत काढले. त्यात मुख्यत्वे दाक्षिणात्य चित्रपटांचे त्याने रेकॉर्ड मोडले.

'पठान'मधील पाहिलं गाणं ज्यावेळी प्रदर्शित झाले होते तेव्हा चित्रपटावर अनेक बंदी घालण्याची मागणी केली होती. बंदी घालण्याची मागणी जरी केली असली तरी, ट्रेलर सह गाण्यांना चांगला प्रतिसाद मिळाला होता.

चित्रपट समीक्षक रमेश बाला चित्रपटाबद्दल ट्वीट करत म्हणतात, “पठान चित्रपटाने जगभरात पहिल्या दिवशी १०० कोटींची कमाई केली. पहिल्याच दिवशी बॉक्स ऑफिसवर १०० कोटींची कमाई करणाऱ्या चित्रपटांच्या यादीत बहुतांश दाक्षिणात्य चित्रपट आहेत. पण आता या यादीत एक बॉलिवूड चित्रपटही सहभागी झाला आहे.”

पहिल्याच दिवशी बॉक्स ऑफिसवर १०० कोटींचा गल्ला जमवणाऱ्या चित्रपटांच्या यादीत अनेक दाक्षिणात्य चित्रपट आहेत. बाहुबली २, २.०, कबाली, साहो, आरआरआर, केजीएफ २, पठान हे चित्रपट आहेत.

'पठान' हा चित्रपट २५ जानेवारीला तामिळ, तेलुगू आणि हिंदी भाषेमध्ये जगभरातील चित्रपटगृहांमध्ये प्रदर्शित झाला आहे. चित्रपटात प्रमुख भूमिकेत शाहरुख खानसोबत दीपिका पदुकोण, जॉन अब्राहम, डिंपल कपाडिया आणि आशुतोष राणा यांच्या भूमिका आहेत.