बॉलिवूडचे ज्येष्ठ अभिनेते भरत कपूर यांच्या निधनानंतर मनोरंजन विश्वातून आणखी एक दुःखद बातमी समोर आली आहे. मनोरंजन विश्वावर शोककळा पसरली. प्रसिद्ध गायकाचे निधन झाले आहे. गायकाने आपल्या सुरेल आवाजाने जगाचे प्रेम कमावले होते. त्याचा मोठा चाहता वर्ग आहे. deadline च्या वृत्तानुसार, 'द व्हॉइस'मधील एका गायकाचा अकाली मृत्यू झाला आहे. दक्षिण कॅरोलिनाचा २४ वर्षीय गायक डायलन कार्टर याचा रात्री कार अपघातात मृत्यू झाला. ज्यामुळे चाहत्यांना मोठा धक्का बसला आहे.

संगीत सृष्टीवर शोककळा पसरली. गायकाचे निधन शनिवार २५ एप्रिल रोजी एका कार अपघातात झाले. हा अपघात कोलेटन काउंटीमधील लो कंट्री हायवेवर रात्री ११:४२ च्या सुमारास झाला. ही माहिती 'द लोकल व्हॉइस' या संस्थेने जाहीर केली. कायदे अंमलबजावणी करणाऱ्या अधिकाऱ्यांनी टीएमझेडला (TMZ) सांगितले की, रात्री ११ वाजल्यानंतर कार्टरची २०२६ टेस्ला सेडान गाडी यू.एस. रूट २१ वरून दक्षिणेकडे जात असताना रस्त्यावरून घसरली, एका खांबाला आणि कुंपणाला धडकली आणि नंतर उलटली.

शवपरीक्षकाने पुष्टी केली की, कार्टर हा गाडीचा चालक आणि एकमेव प्रवासी होता आणि त्याने सीटबेल्ट घातला होता. त्याला रुग्णालयात नेण्यात आले, जिथे त्याला मृत घोषित करण्यात आले. अपघातात झालेल्या गंभीर दुखापतींमुळे कार्टरचा मृत्यू झाला आणि हा एक अपघात असल्याचे घोषित करण्यात आले.गायकाच्या निधनाची बातमी समजताच चाहत्यांनी आणि मनोरंजन विश्वातील कलाकारांनी श्रद्धांजली वाहिली.

डायलन कार्टरच्या मालकीचे 'सनी डेज आरव्ही अँड कॅम्पग्राउंड' होते आणि तो रिअल इस्टेट एजंट म्हणून काम करत असे. २०२३ मध्ये व्हिटनी ह्युस्टनच्या "I Look to You" या गाण्यावरील आपल्या ऑडिशन सादरीकरणाने कार्टरने 'व्हॉइस' (Voice) च्या परीक्षकांना भुरळ घातली. त्याने रीबा मॅकएन्टायर यांची आपली मार्गदर्शक (कोच) म्हणून निवड केली.