मराठी मनोरंजनसृष्टीतील लोकप्रिय अभिनेत्री ज्योती चंदेकर यांनी चाहत्यासाठी आनंदाची दिली आहे. ज्योती चांदेकर या सध्या ठरलं तर मग या मालिकेतून प्रेक्षकांची मने जिंकत आहे. मालिकेत ज्योती चांदेकर या पूर्णा आजीची भूमिका साकारत आहे. नुकतंच ज्योती चांदेकर यांनी त्यांच स्वत:च स्वप्न पूर्ण केलं आहे. अभिनेत्रीने स्वत:ची नवी कोरी अलिशान कार खरेदी केली आहे. याचनिमित्ताने त्यांची मुलगी तेजस्विनी पंडीतने आईसाठी खास पोस्ट लिहली आहे. पोस्टमध्ये तेजस्विनीने आईचं कौतुक केलं आहे.

तेजस्विनी पंडितने नुकतीच एक पोस्ट शेअर केली आहे. पोस्टमध्ये,ज्योती चांदेकर...५२ वर्षाची कारकीर्द! आजतागायत २०० पेक्षा जास्त पुरस्कार नावावर असणारी मोजक्या अभिनेत्रींपैकी एक आणि मग माझी आई. आई यासाठी नंतर कारण काही व्यक्तिमत्त्व ही कामासाठी आधी आणि घरच्यांसाठी नंतर बनलेली असतात.आईने काम सुरु केलं तेव्हा ती १२ वर्षांची होती. मग तिचं लग्न झालं तरी तिनं काम करणं सोडलं नाही. मग 2 मुली झाल्या. आम्हाला बरोबर घ्यायची आणि ‘ती’ कायम काम करायची. मग मुली कमवायला लागल्या तरीही ‘ती’ काम करतच होती आणि अजूनही ‘ती’ काम करतेच आहे, असं तेजस्विनीनं म्हटलंय.

पुढे तेजस्विनीने,To cut it short या सगळ्या प्रवासात तिची एक तक्रार होती. खूप फिरले… बसने, ट्रेनने, लोकल गाड्यांनी, आधी बाबाने घेतलेल्या, मग लेकीने घेऊन दिलेल्या, मग काही काळ धैर्यच्या गाडीने प्रवास केला… आता मला माझी गाडी हवी आहे आणि शेवटी या हट्टी बाईनं, माझ्या आईनं वय वर्ष ६८ व्या वर्षी तिच्या कमाईची, स्व:कष्टाची, स्वतःची गाडी घेतलीच!माझ्या आईच्या तिच्या कामाप्रती असलेली श्रद्धा आणि जिद्दीला सलाम आणि माझ्यासाठी तिच्या चेहऱ्यावरचा हा आनंद बघून नकळत ही ठरली आमच्यासाठी ‘येक नंबर मोमेंट’.आई तुला खूप प्रेम. आणि सगळ्यांना नवरात्रीच्या मंगलमय शुभेच्छा! असं तेजस्विनीनं म्हटलंय.