बिग बॉस मराठी सीझन 5 अंतिम टप्प्यात आहे. या पर्वाचं नुकतंच शेवटचं एव्हिक्शन पार पडलं. बिग बॉसच्या घरातील सात स्पर्धक उरले होते. यामध्ये अभिनेत्री वर्षा उसगावकर या बिग बॉसच्या घरातून बाहेर गेल्या आहेत. कमी मत मिळाल्याने वर्षा उसगावकर यांना बिग बॉसच्या घराचा निरोप घ्यावा लागला आहे.
बिग बॉसच्या घरात शेवटच्या एव्हिक्शनमध्ये कोणता स्पर्धक बाहेर पडणार याची सर्वांनाच उत्सुकता होती. दरम्यान एव्हिक्शनमध्ये जान्हवी किल्लेकर आणि वर्षा उसगावकर यांना कमी मत मिळाले. यातही वर्षा उसगावकर यांनी कमी मत मिळाले आहेत.यामुळे आता बिग बॉसच्या घरात सहा स्पर्धक राहिले आहेत. हे सर्व स्पर्धक आता थेट अंतिम फेरीत गेले आहेत.
बिग बॉसच्या घरात एव्हिक्शनमध्ये सर्वात जास्त मत सुरज चव्हाणला मिळाली आहे. यानंतर कोकण कन्या अंकिता वालावलकरचा क्रमांक आहे. बिग बॉसच्या घरातील सुरज चव्हाण, अंकिता वालावलकर, अभिजीत सांवत, धनजंय पोवार, जान्हवी किल्लेकर हे स्पर्धक अंतिम फेरीमध्ये गेले आहेत. 6 ऑक्टोबरला बिग बॉस मराठी सीझन 5 चा ग्रँड फिनाले आहे. यामध्ये आता कोण बिग बॉस मराठी सीझन 5 ची ट्रॉफी जिंकणार याकडे प्रेक्षकांचे लक्ष लागले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
