Bigg Boss Marathi Suraj Chavan: वय झालं आता लग्न कधी करणार? सूरजच्या प्रश्नावर निक्कीनं दिलं जबरदस्त उत्तर

'बिग बॉस' मराठीचे नवे पर्व संपायला थोडेच दिवस राहिले आहेत. आजच्या 'UNSEEN UNDEKHA' मध्ये तुम्ही पाहू शकता, जान्हवी , वर्षा, अभिजीत आणि निक्की गार्डन एरियात बसले आहेत दरम्यान अभिजीत आणि निक्की सूरजला लग्नाविषयी विचारत आहेत.

बिग बॉसच्या घरात जान्हवी , वर्षा, अभिजीत आणि निक्की एकमेकांच्या गप्पा रंगल्या आहेत. दरम्यान अभिजीत सुरजला म्हणतो," मी तुला बाहेर गेल्यावर पण फॉल करणार. जेव्हा तू लग्न करशील तेव्हा आम्हाला बोलव. त्यावर सुरज म्हणाला," मी बाहेर गेल्यावर सगळ्यांसोबत बोलणार. सगळ्यांना लग्नाला बोलवणार. मी साधे लग्न करणार आहे. फक्त देवीसमोर हार घालणार. त्यावर निक्की म्हणाली," पण हळद ठेवायची. आम्ही तुला हळद लावू. हळदी पाहिजे आम्हाला.

यावर सूरज म्हणाला," हो हळद, सुपारीचा खेळ असणार. त्याशिवाय मज्जा नाही येणार. निक्की तू कधी लग्न करणार आहेस? तुझ वय पण झाले. यावर निक्की म्हणाली," मी जेव्हा लग्न करणार तेव्हा तुला बोलणार. वयाचा काही प्रश्न नाही येत. मला सध्या तरी माझ्या आई बाबांसोबत राहायचे आहे. मी लग्न केले तरी आई बाबांना घेऊन जाणार. जिथे कुठे पण जाणार त्यांना घेऊन जाणार. मला मोठा परिवार आवडतो."