बिग बॉस मराठीचा शेवटचा आठवडा फारच खास आहे. या आठवड्यात बिग बॉसच्या घरातील स्पर्धकांना एक एक धक्का मिळत आहे. नुकताच एव्हिक्शन टास्कमध्ये बिग बॉसच्या घरातील वर्षा उसगांवकर घराबाहेर गेल्या आहेत. आता बिग बॉसच्या घरात सहा स्पर्धक उरले आहेत. नुकताच बिग बॉसचा नवीन प्रोमो रिलीज झाला आहे.
बिग बॉस घरात स्पर्धकांना धक्का मिळणार आहे. प्रोमोमध्ये बिग बॉस म्हणत आहे की, बिग बॉस मराठीच्या या पर्वातील टॉप ६ फायनलिस्ट मी जाहीर केले आणि इथेच येतो आहे ट्विस्ट. आता आपल्याला कळेल कोण आहेत टॉप ५” अशी घोषणा बिग बॉस करतात. ही घोषणा ऐकून सदस्यांना धक्का बसतो, असं या प्रोमोमध्ये पाहायला मिळत आहे.
बिग बॉसच्या घरात अभिजीत सावंत, निक्की तांबोळी, धनंजय पोवार, सूरज चव्हाण, जान्हवी किल्लेकर व अंकिता प्रभू वालावलकर हे सहा फायनलिस्ट आहेत. यांच्यापैकी एक जण आज घराबाहेर जाणार, याचदरम्यान बिग बॉसच्या घरातून आता कोण स्पर्धक घराबाहेर जाणार? याकडे सर्वांचे लक्ष लागले आहे. बिग बॉस मराठीचा शेवटचा आठवडा असून 6 ऑक्टोबरला बिग बॉस मराठीचा ग्रँड फिनाले होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
