'ठरलं तर मग' मालिकेत रोज नवा ट्विस्ट पाहायला मिळत आहे. एकीकडे सुभेदारांच्या घरात आनंदाचे वातावरण पाहायला मिळत आहे. तर दुसरीकडे प्रिया नवीन डाव रचताना दिसत आहे. पावसात सायली-अर्जुन एका रोमँटिक डेटवर जातात. दोघे खूप छान वेळ घालवतात. अर्जुन सायलीसाठी बाहेरचा वडापाव देखील खातो. अशात आता 'ठरलं तर मग' मालिकेचा नवीन प्रोमो समोर आला आहे.

'ठरलं तर मग!' मालिकेत लवकरच सायली-अर्जुन आई-बाबा होणार आहे. आता सायलीला डोहाळे लागले आहे. जे पुरताना अर्जुन दिसत आहे. सायलीचे डोहाळे पुरवताना अर्जुनची तारांबळ उडली आहे. याचा एक खास प्रोमो समोर आला आहे. तुम्ही व्हिडीओत पाहू शकता की, अर्जुन सायलीसाठी लाडू बनवतो, जे सायलीला खूपच आवडतात. अर्जुनला लाडू व्यवस्थित वळता येत नव्हते तरी तो बायकोसाठी लाडू बनवतो. जे खाऊन सायलीला खूपच आनंद होतो.

त्यानंतर प्रतिमा आपल्या लाडक्या लेकीसाठी सायलीसाठी 'सायली' चा गजरा घेऊन येतो. जो पाहून तिला खूपच आनंद होतो. पण अर्जुनला मात्र सायलीच्या फुलांची अ‍ॅलर्जी असते. त्यामुळे फुलांचा वास घेताच तो शिंकू लागतो. तेव्हा लगेच सायलीला सुद्धा शिंका सुरू होतात. त्यानंतर प्रतिमा आणि कल्पना सायली-अर्जुनची फिरकी घेताना दिसतात. दोघेही हसू लागतात.

'ठरलं तर मग' चे येणारे भाग खूपच मजेशीर असणार आहेत. 'ठरलं तर मग!' मालिका रोज रात्री ८:३० वाजता प्रसारित होते. 'ठरलं तर मग' मालिकेत एक नवीन मुलीची एन्ट्री झाली आहे. जी प्रियाला भेटण्यासाठी जेलमध्ये जाते. आता ही मुलगी सायली-अर्जुनच्या आयुष्यात नवीन कोणते वादळ घेऊन येणार हे पाहणे महत्त्वाचे ठरणार आहे. त्या मुलीची भूमिका अभिनेत्री संचिता कुलकर्णी करत आहे.