श्रद्धा कपूर ( Shraddha Kapoor) आणि राजकुमार राव ( Rajkummar Rao ) यांचा 'स्त्री 2' चित्रपटगृहांमध्ये धुमाकूळ घालताना पाहायला मिळत आहे. स्त्री 2 बॉक्स ऑफिसवर वेगाने कमाई करत आहे. मात्र, प्रेक्षक आता त्याच्या ओटीटी रिलीजची वाट पाहत आहेत. श्रद्धा कपूर आणि राजकुमार राव यांच्या हॉरर कॉमेडी चित्रपटाच्या OTT रिलीझचे अपडेट आले आहेत. हा चित्रपट 15 ऑगस्ट रोजी थिएटरमध्ये प्रदर्शित झाला होता.

मीडिया रिपोर्टनुसार, ब्लॉकबस्टर ‘स्त्री २’ ॲमेझॉन प्राइमवर (Amazon Prime) रिलीज होणार आहे. ॲमेझॉन प्राइमने ‘स्त्री २’ (stree 2 ) चे राइट्स विकत घेतले आहेत. या चित्रपटाच्या ओटीटी रिलीजची अद्याप तारीख जाहीर करण्यात आलेली नाही. मात्र श्रद्धा कपूर आणि राजकुमार राव यांचा चित्रपट सप्टेंबरच्या अखेरीस किंवा ऑक्टोबरमध्ये ओटीटीवर प्रदर्शित होऊ शकतो. म्हणजे दसऱ्याच्या मुहूर्तावर चित्रपट ओटीटीवर (OTT) प्रदर्शित होण्याची शक्यता आहे.

'स्त्री २' ची स्टार कास्ट

'स्त्री २' हा ब्लॉकबस्टर चित्रपट अमर कौशिक यांनी दिग्दर्शित केला आहे. या चित्रपटात श्रद्धा कपूर आणि राजकुमार राव यांच्याशिवाय अपारशक्ती खुराना, पंकज त्रिपाठी, अभिषेक बॅनर्जी आणि सुनीता राजवार यांसारखे कलाकार दिसले आहेत. त्याचबरोबर अक्षय कुमार आणि वरुण धवन यांनी चित्रपटात कॅमिओ केला आहे. या चित्रपटात तमन्ना भाटियाचाही एक कॅमिओ आहे. तमन्नाचे 'आज की रात' हे गाणे प्रेक्षकांच्या पसंतीस उतरले आहे.