Lagnanantar Hoilach Prem: स्टार प्रवाहवरील लोकप्रिय मालिका ‘लग्नानंतर होईलच प्रेम’ सध्या चर्चेत आली आहे. मालिकेच्या नवीन प्रोमोमुळे सोशल मीडियावर नेटिझन्सनी संताप व्यक्त केला आहे. ‘लग्नानंतर होईलच प्रेम’ या मालिकेच्या नवनवीन प्रोमोमध्ये दाखवण्यात आलेल्या पार्थ गंभीर जखमी असून रुग्णालयात मरणाशी झुंज देत आहे आणि त्याला वाचवण्यासाठी त्याची बायको काव्या मंदिरात १०१ दिवे लावण्यासाठी आणि त्याच्यासाठी प्रार्थना करते.

प्रोमोमध्ये आणखी एक वळण येते तेव्हा मानिनी काव्याला सांगते की “पार्थसाठी १०१ दिवे लाव”, आणि दिव्यांच्या लॉजिकवर आधारित काही संवाद दाखवले जातात. याच प्रसंगामुळे काही प्रेक्षकांनी या प्रोमोवर टीका केली आहे. मालिकेने मेडिकल डिग्रीचा अपमान केला असल्याचे बोलले जातं आहे.

एक प्रेक्षकाने कमेंट केला, “यांच्या डॉक्टरांच्या डिग्री चेक करायला पाहिजेत, एकाने लिहीले, या दिव्याच्या लॉजिकच्या नादात मेडिकल डिग्रीला व्हेंटिलेटर लावायची वेळ आलीये.” एका नेटकऱ्याने लिहीले किती ओव्हररिएक्ट” तर, आणखी एकाने लिहीले, काय आहे हे किती ओव्हररिएक्ट कराव."

सोशल मीडियावर सध्या हा प्रोमो व्हायरल होत असून, #LagnanantarHoilachPrem या हॅशटॅगखाली टीका आणि चर्चा दोन्ही रंगल्या आहेत. काही नेटकरी ट्रोल तर काही नेटकरी मालिकेचे कौतुक करत आहेत आता येणाऱ्या भागात काय होईल हे या आठवड्यात संध्याकाळी 7 वाजता प्रेक्षकांना समजेल.