गायिका अलका याज्ञिक सध्या चर्चेत आहेत. अलका याज्ञिक यांना एका दुर्मिळ आजाराचे निदान झाले आहे. कानात हेडफोन लावून मोठ्या आवाजात गाणी ऐकल्याने त्यांच्या ऐकण्याच्या क्षमतेवर परिणाम झाला आहे. त्यांना सेन्सरी नर्व्ब हिअरिंग लॉस नावाचा आजार झाला आहे. त्यांनी पोस्ट करत ही माहिती दिली आहे. अलका या मागील ४० वर्षांपासून वेगवेगळ्या प्रकारची गाणी गातात. त्यांनी आतापर्यंत १६ पेक्षा जास्त भाषेत गाणी गायली आहेत. त्यांनी नव्वदच्या दशकात आपल्या आवाजाने अनेकांची मने जिंकली होती. अलका याज्ञिक यांच्या वैयक्तिक आयुष्याबद्दल चाहत्यांना फार काही माहित नाहीये. अलका यांची लव्ह स्टोरी खूच हटके आहे. जाणून घेऊया त्यांच्या लव्ह स्टोरीबद्दल.

अलका यांचा जन्म २० मार्च १९६६ रोजी गुजराती कुटुंबात झाला होता. अलका यांचे नीरज कपूर यांच्याशी लग्न झाले आहे. नीरज कपूर हे बिझनेसमॅन आहे. नीरज आणि अलका यांची पहिली भेट ट्रेनमध्ये झाली होती. वैष्णवदेवीला जाताना हे दोघे एकमेकांना भेटले. त्यानंतर त्यांच्यात प्रेम झाले. अलका आणि नीरज दोघेही वेगवेगळ्या शहरात काम करत होते. त्यामुळे त्यांचे पुढे जाऊन एकमेकांना भेटणे होईल का, असे अनेक प्रश्न कुटुंबियांना पडले होते. त्यामुळे कुटुबियांना त्यांना सावधदेखील केले होते. परंतु त्यांनी १९८९ मध्ये लग्न केले. परंतु लग्नानंतर मात्र त्यांना वेगळं रहावे लागले.

अलका या कामासाठी मुंबईत राहतात. तर नीरज हे शिलाँगला राहायचे. ते दोघेही अनेकादा भेटायचे. परंतु लग्नानंतरही हे असंच सुरु राहिलं. त्या दोघांनीही कामासाठी वेगवेगळ्या शहरात राहण्याचा निर्णय घेतला. त्या दोघांना सायशा नावाची मुलगी आहे. दोघेही लांब राहून आपला संसार करत आहेत.

लहानपणापासूनच त्यांच्यावर गाण्याचे संस्कार होत गेले. त्यांनी वयाच्या ६ वर्षापासूनच गाणी गायला सुरुवात केली. त्यांनी आकाशवाणी आणि ऑल इंडिया रेडिओवर गाण्यास सुरुवात केली. त्यानंतर १० वर्षाची असताना त्या मुंबईत आल्या. त्यानंतर त्यांच्या करिअला खऱ्या अर्थाने सुरुवात झाली. राज कपूर यांनी अलका यांना दिग्दर्शक लक्ष्मीकांत यांच्याकडे पाठवले. त्यानंतर त्यांनी अलका यांना गायची संधी दिली.