बॉलिवूडची सुपरकूल जोडी शाहरुख खान (Shah Rukh Khan) आणि राणी मुखर्जी(Rani Mukerji) कायम प्रेक्षकांच्या मनावर राज्य करतात. त्यांनी आजवर अनेक चित्रपट एकत्र केले आहे. त्यांच्या केमिस्ट्रीने तर चाहत्यांना वेड लावले आहे. अलिकडेच शाहरुख खान आणि राणी मुखर्जी यांना 71 व्या राष्ट्रीय चित्रपट पुरस्कारांमध्ये सर्वोत्कृष्ट अभिनेता आणि सर्वोत्कृष्ट अभिनेत्रीचा पुरस्कार मिळाला. शाहरुख खानला 'जवान' चित्रपटासाठी तर राणी मुखर्जीला 'मिसेस चॅटर्जी व्हर्सेस नॉर्वे' या चित्रपटासाठी गौरवण्यात आले.

नुकतीच शाहरुख खानने इन्स्टाग्रामवर एक खास रील शेअर केली आहे. ज्याने सर्वांचे लक्ष वेधून घेतले आहे. शाहरुख खानचा लेक आर्यन खान 'द बॅड्स ऑफ बॉलीवूड' या सीरिजमधून मनोरंजन सृष्टीत पदार्पण करणार आहे. आपल्या मुलाच्या सीरिजचे शाहरुख खान तगडे प्रमोशन करताना दिसत आहे. चाहते दखील सीरिज पाहण्यासाठी खूप आनंदी असल्याचे पाहायला मिळत आहेत. सीरिजचे 'तू पहली तू आखरी' टायटल ट्रॅकवर शाहरुख खान आणि राणी मुखर्जी यांनी रोमँटिक अंदाजात भन्नाट डान्स केला आहे.

व्हि़डीओमध्ये तुम्ही पाहू शकता की, राणी मुखर्जीने पांढऱ्या रंगाचा शर्ट आणि निळ्या रंगाची डेनिम जीन्स घातली आहे. मोकळे केस आणि मिनिमल मेकअपमध्ये राणी खूपच सुंदर दिसत आहे. तर शाहरुखने जीन्स आणि निळ्या रंगाचा स्वेटशर्ट घातला आहे. व्हिडीओला शाहरुख खानने हटके कॅप्शन दिले आहे. "शाहरुख खानने कॅप्शनमध्ये लिहिलं की, राष्ट्रीय पुरस्कार...हम दोनो की अधूरी ख्वाहिश पूरी हो गई...अभिनंदन राणी... तू एक राणी आहेस आणि तुला खूप प्रेम..."

शाहरुख खान आणि राणी मुखर्जी यांनी 'कभी अलविदा ना कहना', 'कुछ कुछ होता है' अशा अनेक चित्रपटांमध्ये काम केले आहे. आता पुन्हा एकदा शाहरुख खान आणि राणी मुखर्जी 'किंग' चित्रपटातून एकत्र येणार आहेत. व्हि़डीओवर चाहत्यांकडून कमेंट्सचा, लाइक्सचा आणि कौतुकाचा वर्षाव होत आहे. लोक त्यांच्या जोडीचे, त्यांच्या केमिस्ट्रीचे कौतुक करत आहे.