बॉलिवूड अभिनेता शाहरुख खानचा (Shah Rukh Khan) 'किंग' चित्रपट लवकरच प्रेक्षकांच्या भेटीला येणार आहे. शाहरुख खानने आपल्या वाढदिवसाला 'किंग' चा फर्स्ट लूक आउट केला आहे. 'किंग'च्या टीझरने सर्वांचे लक्ष वेधून घेतले आहे. मात्र शाहरुख खान आता 'किंग'मुळे वादाच्या भोवऱ्यात अडकला आहे. शाहरुखच्या 'किंग' चित्रपटातील लूकची तुलना हॉलिवूड सुपरस्टार ब्रॅड पिट (Brad Pitt) यांच्यासोबत केली आहे.

ब्रॅड पिटचा काही दिवसांपूर्वी 'एफ 1' चित्रपट रिलीज झाला आहे. चित्रपटातील एका सीनसाठी ब्रॅड पिटने ज्या रंगाचे शर्ट आणि पॅन्ट घातला आहे. तसाच सेम लूक 'किंग' चित्रपटात शाहरुख खानने केला आहे. निळ्या रंगाचे शर्ट आणि ब्राऊन रंगाचे जॅकेट, डोळ्यांना काळा गॉगल, हातात बॅग, स्टायलिश हेअर असा दोघांचा सेम लूक पाहायला मिळत आहे. नेटकरी सोशल मीडियावर शाहरुख खानच्या या लूकची तुलना करत आहे.

शाहरुखच्या या लूकवर नेटकरी कमेंट्सचा वर्षाव करत आहे. तुलना करणाऱ्या नेटकऱ्यांना दिग्दर्शन सिद्धार्थ आनंद यांनी सडेतोड उत्तर दिले आहे. त्यांनी सोशल मीडिया पोस्टमध्ये लिहिलं की,

"आजकाल द्वेष करणाऱ्यांचे मजेदार तर्क...जर बॉलिवूड चित्रपटात असे असेल तर,

फायटर जेट - टॉप गनची कॉपी

शिप - टायटॅनिकची कॉपी

समान ड्रेस कोड - F1 ची कॉपी

केशरी ड्रेस - हिंदूविरोधी

त्यांचा आयक्यू लेव्हल 1947 पासून बफरिंगसारखा आहे..."

'किंग' चित्रपट

शाहरुख खानच्या 'किंग' चित्रपटात तगडी स्टारकास्ट पाहायला मिळत आहे. यात सुहाना खान, दीपिका पदुकोण, अभिषेक बच्चन, राणी मुखर्जी, अभय वर्मा, अनिल कपूर, जॅकी श्रॉफ आणि अर्शद वारसी हे कलाकार धुमाकूळ घालणार आहेत. 'किंग' हा सिध्दार्थ आनंद दिग्दर्शित एक ॲक्शन थ्रिलर चित्रपट आहे. ज्यात शाहरुख खान मुख्य भूमिकेत पाहायला मिळणार आहे. मीडिया रिपोर्टनुसार, किंग' चित्रपट 2026 मध्ये प्रेक्षकांच्या भेटीला येणार आहे.