Anand Mahindra On Sam Bahadur Movie:

फिल्ड मार्शल सॅम माणकेशा यांच्या जीवनावर आधारित 'सॅम बहादूर' चित्रपट रिलीज झाला आहे. प्रेक्षकांनी चित्रपटाला पसंती दर्शवली आहे. चित्रपटात सॅम माणकेशा यांचा भूमिका विकी कौशलने साकारली आहे. विकी कौशलच्या अभिनयाने सर्वांनाच भूरळ पाडली आहे. अगदी हुबेहुब भूमिका साकारल्याने प्रेक्षकांनी विकी कौशलचे खूप कौतुक करत आहेत. आता उद्योगपती आनंद महिंद्रानीही चित्रपटाचे कौतुक केले आहे.

आनंद महिंद्रानी एक्स या प्लॅटफॉर्मवर एक पोस्ट शेअर करत विकी कौशलचे कौतुक केले आहे.'जेव्हा एखादा देश त्यांच्या नायकांच्या आयुष्यावर चित्रपट तयार करतो. तेव्हा एक शक्तिशाली चक्र तयार होते. विशेषत: सैनिक आणि नेतृत्व आणि धैर्याच्या कथांबद्दलचे चित्रपट खूप स्फूर्ती देतात. यामुळे लोकांचा अभिमान आणि आत्मविश्वास वाढतो. जेव्हा लोकांना माहित असते की, त्यांच्या धैर्याचा गौरव केला जाईल तेव्हा अनेक लोकांना स्फूर्ती मिळते आणि त्यातून अनेक नायक तयार होतील.

हॉलीवूडने शतकानुशतके हे चक्र निर्माण केले आहे. त्यामुळे आमच्यासाठी असा चित्रपट बनवल्याबद्दल रॉनी स्क्रूवाला यांचे मनापासून धन्यवाद. चित्रपटात काही दोष आहेत पण विकी कौशलने ज्याप्रकारे ही भूमिका साकरली आहे. त्याने अंगावर शहारे येतात. त्याने स्वतः ला सॅम बहादूर या पुरस्कार-विजेत्या व्यक्तिरेखेत स्वतःला रुपांतरीत केलंय. ते खूप कौतुकास्पद आहे. हा चित्रपट नक्की पाहा आणि भारतीय नायकाचा जयजयकार करा'. असं आनंद महिंद्रा यांनी पोस्टमध्ये लिहलं आहे.

'सॅम बहादूर' चित्रपटाचे प्रचंड कौतुक होत आहे. या चित्रपटात सॅम माणकेशा यांचा जीवनप्रवास दाखवला आहे. चित्रपटातील विकी कौशलच्या भूमिकेने सर्वांचीच मने जिंकली आहेत.