बॉलिवूडचा भाईजान सध्या कोणत्या ना कोणत्या कारणामुळे चर्चेत आहे. त्याला सध्या जीवे मारण्याच्या धमक्या येत आहे. ज्यामुळे तो आणि त्याचे कुटुंब चिंतेत पाहायला मिळत आहे. नुकताच सलमान खान रोहित शेट्टीच्या सिंघम अगेनमध्ये कॅमिओमध्ये दिसला होता.

आता सलमान खान त्याच्या आगामी चित्रपटाच्या तयारीत पाहायला मिळत आहे. तो 'सिकंदर' (Sikander) चित्रपटाच्या शूटिंगमध्ये व्यस्त आहे. आता मात्र 'सिकंदर' चित्रपटाच्या सेटवरून एक व्हिडीओ लीक झाला आहे. या व्हिडीओत चित्रपटाचा एक सीन शूट होताना पाहायला मिळत आहे. सध्या 'सिकंदर' चित्रपटाचे शूटिंग हैद्राबादमध्ये सुरू आहे. तिथून शूटिंगचा व्हिडीओ लीक झाला असून तो आता सोशल मीडियावर तुफान व्हायरल होत आहे.

लीक झालेल्या व्हिडीओमध्ये दाक्षिणात्य अभिनेत्री रश्मिका मंदाना सीन शूट करताना पाहायला मिळत आहे. ती मॉनिटर स्क्रीनवर दिसत आहे. एका व्हिडीओमध्ये राजवाड्याचे दृश्य दिसत आहे. तर दुसऱ्या व्हिडीओमध्ये रश्मिका मंदाना दिसत आहे. रश्मिकाने आजवर अनेक हिट चित्रपट केले आहेत. तिच्या स्माईलचे चाहते दिवाने आहेत. तिने आपल्या अभिनयाने चाहत्यांना वेड लावले आहे.

सलमानच्या (Salman Khan) चित्रपटात रश्मिका मंदाना (Rashmika Mandanna) दिसणार असल्यामुळे चाहते खूपच खुश आहेत. 'सिकंदर' चित्रपटाचे दिग्दर्शन एआर मुरुगदास आणि निर्मिती साजिद नाडियादवाला यांनी केली आहे. 'सिकंदर' हा चित्रपट २०२५ मध्ये ईदच्या मुहूर्तावर प्रेक्षकांच्या भेटीला येणार आहे. भाईजानचा 'सिकंदर'चित्रपट पाहण्यासाठी चाहते उत्सुक आहेत.