Shocking : धक्कादायक! बंद खोलीत आई मुलासह आढळला काकाचा मृतदेह; नेमकं काय घडलं?

Uttar Pradesh Fatehpur 3 Sucide Death Body Found उत्तर प्रदेशातील फतेहपूर जिल्ह्यात एका बंद घरात तीन मृतदेह रक्ताच्या थारोळ्यात पडलेले आढळून आले. मृतांमध्ये ५५ वर्षीय सुशीला, २८ वर्षीय मुलगा अमर आणि सुशीला यांचा ५३ वर्षीय दीर सुनील अशी नावे आहेत. प्राथमिक तपासात पोलिसांनी म्हटले आहे की, या तिघांनी आत्महत्या केली आहे. या तिघांचेही मृतदेह शवविच्छेदनासाठी पाठवण्यात आले आहे. तसेच याप्रकरणी पोलीस सखोल तपास करत आहेत.

मिळालेल्या माहितीनुसार, बुधवारी रात्री सदर कोतवाली परिसरातील चौफीरवा गावात ही घटना घडली. सुशीला यांचे पती सुशील कुमार श्रीवास्तव (वय ५५) हे ड्रायव्हर आहेत. सुशील हे घटनेच्या दिवशी सकाळी त्यांच्या मुलीच्या घरी गेला होते. संध्याकाळी ते परत आले तेव्हा वारंवार हाक मारूनही त्यांना कोणीही प्रतिसाद दिला नाही.

घाबरलेल्या सुशील यांनी शेजाऱ्यांच्या मदतीने दरवाजा तोडला, तेव्हा त्यांची पत्नी आणि मुलगा रक्ताच्या थारोळ्यात पडलेले आढळले, तर त्यांचा धाकटा भाऊ सुनील गंभीर जखमीरित्या आढळला. सुनीलला तातडीने जिल्हा रुग्णालयात नेण्यात आले, जिथे डॉक्टरांनी त्याला मृत घोषित केले. पोलिसांनी सांगितले की, तिघांच्याही मानेवर खोल जखमा होत्या, मनगट कापले होते आणि चार रक्ताने माखलेले ब्लेड सापडले.

पोलिसांना या घटनेबाबत माहिती देण्यात आली. पोलिसांनी तातडीने घटनास्थळी धाव घेत मृतदेह शवविच्छेदनासाठी पाठवले. पोलिसांच्या प्राथमिक तपासात ही घरगुती वादातून आत्महत्या केली असल्याचं म्हटलं जात आहे. दरम्यान या प्रकरणी कोणतेही ठोस कारण समोर आलेलं नाही. पोलीस या घटनेचा सखोल तपास करत आहेत.