बिग बॉसच्या फिनालेला आता फक्त एक दिवस बाकी राहीला आहे. उद्या (19 जानेवारी 2025)ला 'बिग बॉस 18'चा (Bigg Boss 18) ग्रँड फिनाले होणार आहे. ग्रँड फिनालेची चाहते आतुरतेने वाट पाहत आहेत. आता नुकतेच घरात पुन्हा पत्रकार परिषद पार पडली आहे. बिग बॉसच्या घरात पहिल्या दिवसापासून राडा, भांडणे पाहायला मिळत आहे. अनेकांची घरात नाती तुटली तर अनेकांची चांगली नाती झाली.

6 ऑक्टोबर 2024 पासून 'बिग बॉस 18' सुरू झाले होते. करणवीर मेहरा की विवियन डिसेना कोण जिंकणार बिग बॉसची ट्रॉफी हे जाणून घेण्यास चाहते उत्सुक आहेत. बिग बॉसच्या घरात नुकत्याच पार पडलेल्या पत्रकार परिषदेत घरातील सदस्यांच्या पाठीशी भक्कम उभे राहायला त्यांचे समर्थक घरात आले आहेत. हे समर्थक पत्रकारांच्या तिखट प्रश्नांना सडेतोड उत्तर देत आहेत आणि आपल्या सदस्याची बाजू मांडत आहेत.

बिग बॉसच्या घरात रजत दलाल (Rajat Dalal) पाठिंबा देण्यासाठी एल्विश यादव आला आहे. विजेता एल्विश (Elvish Yadav) 'बिग बॉस ओटीटी 2'चा विजेता आहे. बिग बॉसने नुकताच एक व्हिडीओ शेअर केला आहे. ज्यात एक पत्रकार एल्विश यादवाला विचारते की, "तू रजतला पाठिंबा देत आहेस पण हा पर्सनॅलिटीचा खेळ आहे. ज्याचे जास्त फॉलोअर्स असणार तो जिंकणार. रजत आक्रमक वृत्तीचा आहे. मग तो जिंकणे योग्य असेल का? " यावर एल्विश म्हणाला, "हा रिअ‍ॅलिटी शो आहे. यात बनावट रुप कसे दाखवणार. तुमच्या कोणत्याही मतांमुळे आमच्या मैत्रीमध्ये बदल होणार नाही."

'बिग बॉस 18'च्या ग्रँड फिनालेला करणवीर मेहरा, चुम दरांग, अविनाश मिश्रा, ईशा सिंह, विवियन डिसेना आणि रजत दलाल हे सहा सदस्य पोहचले आहेत. यातून 'बिग बॉस 18'ची ट्रॉफी कोण उचलणार याकडे सर्वांचे लक्ष लागून आहे.