'बिग बॉस 18' च्या (Bigg Boss 18) धमाकेदार पर्वाला सुरुवात झाली आहे. यंदाचा सीझन खूप खास आहे. कारण माणसांसोबत आता बिग बॉसच्या घरात प्राणी देखील राहत आहे. बिग बॉसच्या घरात गाढवाची एन्ट्री झाली आहे. हा गाढव गुणरत्न सदावर्ते (Gunaratna Sadavarte) यांचा आहे. या गाढवाचे नाव 'गधराज' असे आहे. बिग बॉसच्या घरात गाढव राहिल्याने प्रेक्षकांकडून संमिश्र प्रतिक्रिया येत आहे. काहींना हे मनोरंजक वाटत आहे तर काहींना हे चुकीचे वाटत आहे.

गुणरत्न सदावर्तेंच्या गाढवामुळे सलमानचा बिग बॉस शो अडचणीत येणार आहे. प्राण्यांच्या संगोपन करणाऱ्या 'पेटा' या संस्थेने बिग बॉसला चांगलेच सुनावले आहे. हा प्राणी बिग बॉसच्या घरात पूर्ण वेळ बांधून ठेवण्यात आला आहे. त्यामुळे या संस्थेने आपली नाराजी व्यक्त केली. 'पीपल फॉर द एथिकल ट्रीटमेंट ऑफ ॲनिमल्स'(पेटा) बिग बॉसच्या निर्मात्यांना पत्र लिहिलं आहे. त्यांनी पत्रात लिहिलं की, " बिग बॉसच्या घरात गाढवाला ठेवल्यामुळे अनेक लोकांकडून नाराजीची तक्रारी होत आहे. त्यांचे बोलणे बरोबर आहे. याकडे दुर्लक्ष करू नये. ही गोष्ट गंभीर घ्यावी."

'पेटा' संस्थेने भाईजानला (Salman khan) आवाहन केलं आहे की, तुम्ही तुमच्या स्टार पॉवरचा वापर करून घरातील गाढवाला आमच्या संस्थेकडे सुपूर्द करावे. जेणेकरून त्याला खुल्यात अभयारण्यात ठेवता येईल. तसेच मनोरंजनासाठी प्राण्यांचा वापर करणे टाळा असेही म्हटलं आहे.