Bigg Boss 18 : 'व्हायरल भाभी'नं मोडला नियम अन् सदावर्तेंनी दाखवला कायदा, बिग बॉसच्या घरात नेमकं चाललंय काय?

बिग बॉस (Bigg Boss 18) हिंदीची चर्चा आता सर्वत्र पाहायला मिळत आहे. बिग बॉसने तगडे कलाकार बिग बॉसमध्ये आणले आहेत. 'बिग बॉस १८' दमदार सुरुवात झालेली पाहायला मिळत आहे. बिग बॉसच्या घरात पहिल्या दिवसापासून वाद पाहायला मिळत आहेत. नुकताच पर्वाचा पहिला टास्क पार पडला आहे. त्यात सदस्यांनी चांगली कामगिरी न केल्यामुळे घरात रेशन देखील कमी आले आहे.

बिग बॉसच्या घरात आता नियमाचं उल्लंघन होईला सुरुवात झाली आहे. बिग बॉसच्या नवीन प्रोमोमध्ये तुम्ही पाहू शकता की, जेलमध्ये असलेल्या 'व्हायरल भाभी' म्हणजेच हेमाला (Hema Sharma ) जेलबाहेर बसून गुणरत्न सदावर्ते हे नंबर देताना पाहायला मिळत आहे. हेमा टिकलीच्या पाकिटवर नेल पॉलिशने नंबर लिहून घेत आहे. हेमा शर्मा नंबर लिहिताना बोलते की, "मी गुणरत्न (Gunaratna Sadavarte) यांच्याकडून आताच वीआयपी नंबर घेऊन ठेवला. " त्यावर बिग बॉस म्हणाले, बिग बॉसच्या घरात काहीही लिहिण्यास मनाई आहे. तर असं केल्यानं नियम उल्लंघन नाही का?" बिग बॉसच्या या बोलण्यावर वकील सदावर्ते म्हणतात की, मी नियम तोडल्याची चिंता करत नाही कारण मी डाकूच्या खानदानातून आलोय. मला अडचणी कशा दूर करायच्या हे माहीत आहे. कायदा माहीत आहे."

'बिग बॉस 18' गुणरत्न सदावर्ते गाढवाला घेऊन घरात आले आहेत. आता 'व्हायरल भाभी'ला काय शिक्षा होणार की नाही हे पाहणे मनोरंजक ठरणार आहे. तसेच सदावर्ते यांचा पुढचा गेम प्लान काय असेल याकडे सर्वांचे लक्ष लागले आहे.