रितेश देशमुख दिग्दर्शित 'राजा शिवाजी' चित्रपट १ मे ला थिएटरमध्ये रिलीज झाला आहे. या चित्रपटाने पहिल्या वीकेंडला ४० कोटींपेक्षा अधिक कमाई केली आहे. या चित्रपटात रितेश देशमुख आणि जिनिलिया एकत्र झळकले आहेत. हा चित्रपट मराठी आणि हिंदी अशा दोन्ही भाषांमध्ये प्रदर्शित झाला आहे. 'राजा शिवाजी' या चित्रपटात संजय दत्त, अभिषेक बच्चन, विद्या बालन, फरदीन खान, भाग्यश्री, सचिन खेडेकर, अमोल गुप्ते आणि जितेंद्र जोशी यांच्यासह कलाकार झळकले आहेत.

बॉक्स ऑफिसवर फक्त 'राजा शिवाजी' चा बोलबाला पाहायला मिळत आहे. चित्रपटाने प्रदर्शनाच्या पहिल्याच आठवड्यातजबरदस्त कामगिरी करत ब्लॉकबस्टर सुरुवात केली आहे. या चित्रपटाने पहिल्या तीन दिवसांतच भारतात ४०.३४ कोटी रुपयांची कमाई केली आहे. लाडक्या भाऊंच्या 'राजा शिवाजी' चित्रपटाने तिसऱ्या दिवशी म्हणजेच रविवारी किती कोटींची कमाई केली, जाणून घेऊयात.

'राजा शिवाजी' बॉक्स ऑफिस कलेक्शन दिवस ३

Sacnilk च्या रिपोर्टनुसार, रितेश देशमुखच्या 'राजा शिवाजी' चित्रपटाने तिसऱ्या दिवशी ५,७७१ शोजमधून अंदाजे १२.०० कोटी रुपयांचे 'नेट' कलेक्शन केले आहे. चित्रपटाच्या एकूण कामगिरीमध्ये मराठी आवृत्तीने आपले वर्चस्व कायम राखले असून, तिने अंदाजे ७.७५ कोटी रुपये कमावले. तर हिंदी आवृत्तीनेही प्रगती दर्शवत ४.२५ कोटी रुपयांची कमाई केली आहे. यासह, चित्रपटाचे भारतातील एकूण नेट कलेक्शन ३३.९० कोटी रुपयांवर पोहोचले असून, एकूण ग्रॉस कलेक्शन ४०.३४ कोटी रुपयांवर गेले आहे.

'राजा शिवाजी'ने लय भारी'ला टाकले मागे

मराठी चित्रपटांमध्ये पहिल्या दिवशी आणि पहिल्या आठवड्यात सर्वाधिक कमाई करणारा चित्रपट 'राजा शिवाजी' ठरला आहे. पहिल्या दिवशी १३.५१ कोटी रुपये आणि पहिल्या तीन दिवसांत ३३.९० कोटी रुपयांची कमाई करत हा रेकॉर्ड बनवला आहे. या चित्रपटाने 'सैराट' आणि 'वेड' यांसारख्या यापूर्वीच्या सर्वाधिक कमाई करणाऱ्या चित्रपटांनाही मागे टाकले आहे. इतकेच नव्हे, तर २०१४ मध्ये ४० कोटी रुपयांची कमाई करणाऱ्या 'लय भारी' या चित्रपटाची एकूण (लाईफटाईम) कमाईही त्याने आतापर्यंतच ओलांडली आहे.