रितेश देशमुखचा 'राजा शिवाजी' चित्रपट बॉक्स ऑफिसवर धुमाकूळ घालत आहे. सध्या या चित्रपटाचा चौथा आठवडा सुरू आहे. तीन आठवड्यात चित्रपटाने जगभरात १०० कोटींचा टप्पा पार केला आता चित्रपट लवकरच बॉक्स ऑफिसवर देखील १०० कोटी पार करेल. अलिकडेच चित्रपटाची success पार्टी थाटामाटात पार पडली. याला चित्रपटातील कलाकारांनी उपस्थिति लावली. छत्रपती शिवाजी महाराजांच्या आयुष्यावर आधारित असलेला 'राजा शिवाजी' चित्रपट १ मे ला रिलीज झाला. चित्रपटाने २३ व्या दिवशी किती कमावले, जाणून घेऊयात.

'राजा शिवाजी' बॉक्स ऑफिस कलेक्शन दिवस 23

रितेश देशमुखच्या 'राजा शिवाजी' चित्रपटाने पहिल्या आठवड्यात ₹५२.६५ कोटी कमावले. दुसऱ्या आठवड्यात ₹२४.३० कोटींचा गल्ला जमावला. तिसऱ्या आठवड्यात सिनेमाने ₹१२.०० कोटी रुपयांची कमाई केली आहे. आता चित्रपट चौथ्या आठवड्यात पाहायला मिळत आहे. २३व्या दिवसाची आकडेवारी समोर आली आहे. Sacnilk च्या रिपोर्टनुसार, २३ व्या दिवशी म्हणजे शनिवारी 'राजा शिवाजी' चित्रपटाने ₹१.३७ कोटी जमा केले. 'राजा शिवाजी'ची भारतातील आतापर्यंतची एकूण कमाई ₹९०.७७ कोटी (नेट कमाई) झाली आहे. लवकरच चित्रट १०० कोटींचा टप्पा गाठणार असल्याचे दिसत आहे.

रितेशची रेकॉर्ड ब्रेक कामगिरी

'राजा शिवाजी' हा रितेशच्या कारकीर्दीतील सर्वात मोठा आणि महत्त्वाचा प्रोजेक्ट ठरला. चित्रपटाच्या दिग्दर्शनासोबत अभिनेत्यान छत्रपती शिवाजी महाराजांची भूमिका देखील साकारली. सर्व त्याच्या अभिनयाचे कौतुक झाले. रितेश देशमुखच्या गाजलेल्या चित्रपटांची यादी पाहा-

• हाऊसफुल ४ -2019

• टोटल धमाल -2019

• एक विलन -2014

• हाऊसफुल २ -2012

• वेड -2022

• लय भारी- 2014

मराठीतील टॉप ५ जास्त कमाई करणारे चित्रपट

• राजा शिवाजी: 90.77 कोटी

• सैराट – 90 कोटी

• बाई पण भारी देवा – 76.28 कोटी

• वेड – 61.2 कोटी

• नटसम्राट – 42 कोटी