साऊथ सुपरस्टार रश्मिका मंदान्ना (Rashmika Mandanna ) सध्या तिच्या वैयक्तिक आयुष्यमुळे चांगलीच चर्चेत आहे. तिचा एक व्हिडीओ सोशल मीडियावर तुफान व्हायरल होत आहे. ज्यामुळे रश्मिकाचा साखरपुडा झाल्याची चर्चांना उधाण आले आहे. रश्मिकाचे एअरपोर्टवरचे व्हिडीओ व्हायरल होत आहे. ज्यात डाव्या हाताच्या बोटात साखरपुड्याची अंगठी घातलेली दिसत आहे.

रश्मिका मंदान्ना नुकतीच दुबईमधील एका कार्यक्रमात स्पॉट झाली. त्यावेळी तिच्या डाव्या हाताच्या बोटात अंगठी पाहायला मिळाली. ज्याने सर्वांचे लक्ष वेधून घेतले. याचे अनेक फोटो आणि व्हिडीओ व्हायरल झाले आहेत. ज्यात रश्मिकाच्या बोटात अंगठी दिसत आहे. त्यामुळे तिने गुपचूप साखरपुडा उरकल्याची चर्चा पाहायला मिळत आहे.

एअरपोर्टवर कारमधून उतरताना आणि बसताना तिची ही अंगठी कॅमेरात कैद झाली. या दोन्ही व्हिडीओमध्ये रश्मिकाच्या हातात अंगठी दिसत आहे. या व्हिडीओवर नेटकऱ्यांकडून कमेंट्सचा वर्षाव होत आहे. तसेच चाहते या दोघांना पुन्हा एकत्र पाहण्यासाठी उत्सुक आहे. त्यांच्या आगामी प्रोजक्टची वाट पाहत आहेत.

रश्मिका मंदान्ना लव्ह रिलेशनशिप

रश्मिका मंदान्ना खूप काळापासून साऊथ सुपरस्टार विजय देवरकोंडाला ( Vijay Devarakonda ) डेट असल्याची चर्चा सुरू आहे. रश्मिका मंदान्ना आणि विजय देवरकोंडा अनेक वेळा एकत्र स्पॉट झाले आहेत. तसेच त्यांच्या सीक्रेट डेटचे फोटो आणि व्हिडीओ कायम व्हायरल होत असतात. रश्मिका-विजयने अनेक चित्रपट एकत्र केले आहेत. त्यांचा 'गीता गोविंदम' चित्रपट खूप गाजला. मात्र अद्यापही रश्मिका-विजयने आपल्या नात्यावर कोणतेही भाष्य केले नाही.