गेले अनेक वर्ष रश्मिका मंदाना आणि विजय देवरकोंडा यांच्या नात्याची चर्चा सोशल मीडियावर पाहायला मिळत आहे. त्यानंतर दोघांना अनेक वेळा एकत्र स्पॉट केले गेले. थोड्या वर्षांनी 2025 मध्ये दोघांनी गुपचूप साखरपुडा उरकला आणि आता रश्मिका-विजय लग्न बंधनात अडकणार आहेत. मात्र या सर्व प्रवासात रश्मिका मंदाना आणि विजय देवरकोंडा कधीच आपल्या प्रेमाची किंवा नात्याची कबुली दिली नाही. ते कायम एकमेकांना पाठिंबा देताना दिसले, पण आपल्या नात्यावर कधीच बोले नाही. मात्र अखेर रश्मिका-विजयने आपल्या प्रेमाची कबुली दिली आहे.

रश्मिका मंदाना आणि विजय देवरकोंडा यांनी सोशल मीडियावर एक खास पोस्ट करून चाहत्यांना सुखद धक्का दिला आहे. रश्मिका मंदाना आणि विजय देवरकोंडा यांनी अधिकृतपणे आपल्या नात्याची आणि प्रेमाची कबुली दिली आहे. तसेच लग्न करणार असल्याचेही सांगितले आहे. त्यांनी आपल्या लग्नाला चाहत्यांकडून आलेले खास नाव दिले आहे. रश्मिका-विजय VIROSH नावाने आपल्या नवीन नात्यांची सुरूवात करत आहेत.

रश्मिका- विजयने दिली नात्याची कबुली

"प्रिय चाहत्यांनो! जेव्हा आम्ही काही प्लान केला नव्हता...स्वतःसाठी काही ठरवलं नव्हते...तेव्हापासून तुम्ही आमच्या सोबत आहात...खूप प्रेमाने, तुम्ही आम्हाला एक नाव दिले...'विरोश' (VIROSH) त्यामुळे याच नावाने आम्ही आमच्या नात्याची नवी सुरुवात करतो. 'विरोशचे लग्न' असे नाव आम्ही देत आहोत. आमच्यावर इतके प्रेम केल्याबद्दल धन्यवाद! तुम्ही कायमच आमचा एक भाग आहात. खूप प्रेम..."

रश्मिका मंदाना आणि विजय देवरकोंडा 26 फेब्रुवारी 2026 ला लग्न बंधात अडकणार आहे. तर लग्नाचे रिसेप्शन 4 मार्चला थाटामाटात पार पडणार आहे. लग्न सोहळा आणि रिसेप्शन दोन्ही हैदराबादमध्ये होणार आहे. चाहते आता या ग्रँड वेडिंगची उत्सुकतेने वाट पाहत आहेत.रश्मिका मंदाना आणि विजय देवरकोंडा यांनी 2018 ला रिलीज झालेल्या 'गीता गोविंदम' आणि 2019 साली 'डियर कॉमरेड' या दोन चित्रपटांमध्ये काम केले आहे. रश्मिका मंदाना आणि विजय देवराकोंडा यांनी ऑक्टोबर 2025 मध्ये हैदराबादमध्ये साखरपुडा उरकला.