Tory Lanez : कॅनडियन रॅपर टोरी लेनझ (Daystar Peterson) यांच्यावर कॅलिफोर्नियातील टेहाचापी येथील तुरुंगात १२ मे २०२५ रोजी सकाळी ७:२० वाजता एका सहकैद्याने चाकूने हल्ला केला. या हल्ल्यात त्याना पाठीवर ७, छातीवर ४, डोक्याच्या मागील भागावर २ आणि चेहऱ्यावर १ अशा एकूण १४ वार झाले. या गंभीर जखमांमुळे त्यांच्या दोन्ही फुफ्फुसांवर परिणाम झाला आणि त्याला तातडीने रुग्णालयात दाखल करण्यात आले.

टोरी लेनझच्या अधिकृत इन्स्टाग्राम अकाउंटवर त्यांच्या टीमने दिलेल्या माहितीनुसार, हल्ल्यानंतर त्यांना श्वासोच्छ्वासासाठी यंत्रावर ठेवण्यात आले होते. सध्या तो स्वतःहून श्वास घेऊ शकत असून, त्याच्या प्रकृतीत सुधारणा होत आहे. तो चांगल्या अवस्थेत आहे आणि देवाचे आभार मानत आहेत. त्याच्या चाहत्यांचे आणि समर्थकांचे प्रार्थनांसाठी आभार मानले आहेत.

या हल्ल्याच्या कारणाचा तपास सुरू असून, कॅलिफोर्निया सुधारणा आणि पुनर्वसन विभाग, कर्न काउंटी जिल्हा अटर्नी कार्यालय आणि निरीक्षक जनरल यांचे कार्यालय संयुक्तपणे या प्रकरणाची चौकशी करत आहेत. हल्लेखोराची ओळख अद्याप उघड करण्यात आलेली नाही.

टोरी लेनझ सध्या २०२० मध्ये रॅपर मेगन थी स्टॅलियनवर गोळीबार केल्याप्रकरणी १० वर्षांची शिक्षा भोगत आहेत. २०२२ मध्ये त्याला तीन गुन्ह्यांमध्ये दोषी ठरवण्यात आले होते. या प्रकरणात मेगनने न्यायालयात साक्ष दिली होती आणि टोरीवर पाच वर्षांची प्रतिबंधात्मक आदेश मिळवले होते.