Harshaali Malhotra: 'मी पाकिस्तानी नाही...'; बजरंगी भाईजानची 'मुन्नी' नेटकऱ्यांच्या प्रश्नांवर संतापली

Harshaali Malhotra: २०१५ मध्ये प्रदर्शित झालेल्या 'बजरंगी भाईजान' या चित्रपटात 'मुन्नी'ची भूमिका साकारणारी हर्षाली मल्होत्रा पुन्हा एकदा चर्चेत आली आहे. एका अलीकडील मुलाखतीत, तिला वारंवार विचारल्या जाणाऱ्या प्रश्नामुळे ती संतापली. या प्रसंगाचा व्हिडिओ सोशल मीडियावर व्हायरल झाला आहे.

मुलाखतीदरम्यान, हर्षालीला पुन्हा एकदा विचारण्यात आले की, 'बजरंगी भाईजान'मध्ये तिने पाकिस्तानी मुलीची भूमिका का साकारली? या प्रश्नावर तीने थेट आणि स्पष्टपणे उत्तर दिले की, "मी एक अभिनेत्री आहे आणि मला जे पात्र दिले जाते, ते मी साकारते. ते पात्र कोणत्याही देशाचे असो, माझे काम आहे ते प्रामाणिकपणे साकारणे. पण, मी पाकिस्तानी नाही" तिचे हे उत्तर सोशल मिडीयावर मोठ्या प्रमाणात व्हायरल होत आहे.

या प्रसंगाचा व्हिडिओ सोशल मीडियावर व्हायरल झाल्यानंतर, अनेकांनी हर्षालीचे कौतुक केले. तिच्या चाहत्यांनी तिच्या अभिनय कौशल्याबरोबरच तिच्या स्पष्टवक्तेपणाचेही कौतुक केले. काहींनी म्हटले की, "हर्षालीने केवळ अभिनयातच नव्हे, तर वैयक्तिक आयुष्यातही उत्तम आहे."

हर्षाली मल्होत्रा सध्या तिच्या शिक्षणावर लक्ष केंद्रित करत आहे. तिने अलीकडेच १०वीच्या परीक्षेत ८३% गुण मिळवले आहेत. तिच्या या यशाबद्दलही सोशल मीडियावर तिचे कौतुक करण्यात आले. तिच्या या स्पष्टवक्तेपणामुळे ती पुन्हा एकदा चर्चेत आली आहे.