स्लो मोशन किंग राघव जुयाल सध्या त्याचा चित्रपट 'द बॅड्स ऑफ बॉलिवूड'मुळे चांगला चर्चेत आहे. त्याच्या अभिनयाची चर्चा सध्या सर्वत्र पाहायला मिळत आहे. तो एक प्रसिद्ध डान्सर, अभिनेता आणि होस्ट बनला आहे. अलिकडेच राघव जुयाल (Raghav Juyal ) कोरिओग्राफर आणि दिग्दर्शक फराह खानच्या यूट्यूब व्हीलॉगमध्ये दिसला. राघवने फराह खानच्या घरात एका बॉडीगार्डसह स्टायलिश एन्ट्री घेतली.

फराह खानने राघव जुयालला विचारले की, "'द बॅड्स ऑफ बॉलिवूड'ला मिळालेल्या यशानंतर तुझ्या आयुष्यात काय बदल झाला का? त्यावर उत्तर देत राघव म्हणाला, 'द बॅड्स ऑफ बॉलिवूड'ने मला प्रसिद्धी आणि प्रशंसा मिळवून दिली. मी प्रवासादरम्यान अरबी शिकली आहे. कधीकधी मी अचानक अरबीमध्ये गाणे सुरू केले की माझा ड्रायव्हर राम घाबरायचा..."

पुढे राघव जुयाल म्हणाला की, "मी डेहराडूनमध्ये एक मोठे घर बांधत आहे. ही पाच मजली इमारत असणार आहे. जेव्हा ते घर तयार होईल तेव्हा तुम्ही तेथे दुसरा व्हिडीओ शूट करा." राघव जुयालचे मुंबईत देखील स्वतःचे घर आहे.

राघव जुयाल वर्कफ्रंट

'द बॅड्स ऑफ बॉलिवूड' मध्ये काम करण्यापूर्वी राघव जुयालने सलमान खानसोबत 'किसी का भाई किसी की जान' मध्येही काम केले होते. तसेच राघव जुयालने एबीसीडी २, किल, स्ट्रीट डान्सर 3 डी, ग्यारह ग्यारह यांसारख्या चित्रपटात काम केले आहे. राघव जुयालचे चाहते आता त्याच्या आगामी प्रोजेक्टची आतुरतेने वाट पाहत आहेत.