मराठी अभिनेत्री प्रिया बेर्डे (Priya Berde) यांनी आपल्या दमदार अभिनयाने प्रेक्षकांच्या मनात घर केले आहे. त्यांनी अनेक सुपरहिट चित्रपट दिले आहेत. त्यांनी मराठीसोबत हिंदी चित्रपटसृष्टीत देखील गाजवली आहे. आता मोठ्या ब्रेकनंतर प्रिया बेर्डे पुन्हा छोटा पडदा गाजवायला सज्ज झाल्या आहेत. त्यांची स्टार प्रवाह वाहिनीवरील एक कार्यक्रमात धमाकेदार एन्ट्री झाली आहे. प्रिया बेर्डे पहिल्यांदाच एक नवीन रुपात प्रेक्षकांच्या समोर येणार आहेत.

स्टार प्रवाह वाहिनीवर लवकरच अक्षय केळकरची 'काजळमाया' ही मालिका सुरू होणार आहे. या मालिकेत प्रिया बेर्डे एका महत्त्वाच्या भूमिकेत झळकणार आहेत. 'काजळमाया' मधील प्रिया बेर्डे यांच्या भूमिकेचे नाव 'कनकदत्ता' असे आहे. ती चेटकीण वंशामधील आहे. ती तंत्र विद्या जाणते. कनकदत्ता ही पर्णिकाची आईची भूमिकेत दिसणार आहे. यात ती आपल्या स्वार्थी मुलीला पाठिंबा देताना पाहायला मिळणार आहे. पर्णिकाची एकच इच्छा आहे की, तिचा वंश पुढे वाढवावा. त्यामुळे ही मालिका पाहण्यासाठी प्रेक्षक उत्सुक आहेत.

'काजळमाया' तारीख अन् वेळ

अक्षय केळकरची 'काजळमाया' मालिका 27 ऑक्टोबरपासून दररोज रात्री 10:30 वाजता स्टार प्रवाह वाहिनीवर पाहायला मिळणार आहे. मालिकेत मराठमोळा अभिनेता अक्षय केळकर (Akshay Kelkar ) मुख्य भूमिकेत झळकणार आहे. अक्षय केळकर हा 'बिग बॉस 4' चा विजेता (Bigg Boss Marathi Season 4 Winner) राहिला आहे. अक्षयसोबत रुची जाईल आणि वैष्णवी कल्याणकर देखील मुख्य भूमिकेत दिसणार आहेत.

प्रिया बेर्डे

प्रिया बेर्डे आणि लक्ष्मीकांत बेर्डे यांनी अनेक चित्रपट एकत्र केले आहेत. त्यांच्या जोडाचे कायम कौतुक केले जाते. 'अशी ही बनवाबनवी', 'गृहलक्ष्मी', 'एक होता विदूषक', 'धरलं तर चावतंय', 'जत्रा' असे अनेक चित्रपट केले आहेत. चाहते आता 'काजळमाया' मालिका पाहण्यासाठी खूप उत्सुक आहेत.