Pankaj Tripathi : 2024 मध्ये राजकुमार राव आणि श्रद्धा कपूरचा हॉरर-कॉमेडी 'स्त्री 2' चांगलाच गाजला होता. कमी बजेटमध्ये बनलेल्या या चित्रपटाने बॉक्स ऑफिसवर चांगलीच कमाई केली. या चित्रपटात पंकज त्रिपाठीही महत्त्वाच्या भूमिकेत दिसले होते. आता त्याने 'स्त्री 2' च्या यशावर प्रतिक्रिया दिली आहे आणि यशस्वी फ्रँचायझीसाठी कोणत्या खास गोष्टींची आवश्यकता असते हे देखील त्यांनी सांगितले.

'स्त्री 2'च्या यशावर पंकज त्रिपाठी काय म्हणाले?

एका वृत्तपत्राशी बोलताना पंकज त्रिपाठी म्हणाले, 'पहिला भाग पाहिल्यानंतर प्रेक्षकांना जो आनंद मिळाला तो पहिल्या वीकेंडलाच प्रेक्षकांना थिएटरमध्ये आणण्यात मोठा वाटा आहे. अन्यथा लोक सहसा वीकेंड संपण्याची वाट पाहतात जेणेकरून त्यांना चित्रपट कसा आहे त्याची माहिती मिळते. परंतु फ्रँचायझी चित्रपटांच्या बाबतीत असे होत नाही.

ट्रेलर पाहिल्यानंतर प्रेक्षक आपला निर्णय घेतात

पंकज त्रिपाठी म्हणाले की, 'मी एक अभिनेता आहे आणि मला चित्रपटांच्या व्यवसायात कोणतेही कौशल्य नाही. पण प्रेक्षक ट्रेलर पाहिल्यानंतरच चित्रपट पाहायचा की नाही याचा निर्णय घेतात, बाकीच्या प्रसिद्धीने जास्त फरक पडत नाही. 'स्त्री 2' हा 2024 च्या यशस्वी चित्रपटांपैकी एक आहे .'छोट्या बजेटचा चित्रपट एवढा मोठा ब्लॉकबस्टर ठरला ही खूप आनंदाची बाब आहे. पण या यशानंतरही तुमचे डोके ठिकाणावर राहिले पाहिजे आणि आपण फ्रँचायझीचा एक भाग असल्याने चित्रपटाला खूप मदत झाली असे समजावे असे पंकज त्रिपाठी म्हणाले.

'स्त्री 2'चे बॉक्स ऑफिस कलेक्शन 850 रुपयांच्या पुढे गेले

हॉरर-कॉमेडी चित्रपटाचे दिग्दर्शन अमर कौशिक यांनी केले होते. राजकुमार राव, श्रद्धा कपूर आणि पंकज त्रिपाठी यांच्याशिवाय अपारशक्ती खुराना आणि अभिषेक बॅनर्जीसारखे कलाकार महत्त्वपूर्ण भूमिकेत दिसले होते. माहितीनुसार, 'स्त्री 2' ने जगभरात 874.58 कोटी रुपयांचा व्यवसाय केला.