Padma Awards 2024 Winners List

प्रजासत्ताक दिनाच्या (Republic Day 2024) पूर्वसंध्येला यंदाच्या वर्षी दिल्या जाणाऱ्या पद्म पुरस्कारांची (Padma Awards) घोषणा करण्यात आली आहे. विविध क्षेत्रात महत्वपूर्ण योगदान देणाऱ्या व्यक्तींना पद्म पुरस्काराने सन्मानित करण्यात येते. या यादीमध्ये देशाचे माजी राष्ट्रपती व्यंकय्या नायडूंसह (M. Venkaiah Naidu) साऊथ सुपरस्टार चिरंजिवी (Chiranjeevi) यांना पद्मविभूषण पुरस्काराने तर संगीतकार प्यारेलाल आणि अभिनेता मिथून चक्रवर्ती (Mithun Chakraborty) यांना पद्मभूषण पुरस्काराने गौरवण्यात येणार आहे.

चिरंजीवी - पद्मविभूषण

टॉलिवूड सुपरस्टार चिरंजीवी गेल्या अनेक वर्षांपासून दाक्षिणात्य सिनेसृष्टीचा एक प्रसिद्ध चेहरा आहे. १९८२ पासून चिरंजीवी सिनेसृष्टीमध्ये सक्रिय आहे. गेल्या ४० वर्षांच्या सिनेकारकिर्दिमध्ये त्यांनी चाहत्यांचे निखळ मनोरंजन केले आहे. आज ते ६८ वर्षांचे आहेत. फक्त भारतातच नाही तर, जगभरामध्ये चिरंजीवी यांचा मोठा चाहतावर्ग आहे.

वैजयंतीमाला - पद्मविभूषण

बॉलिवूड इंडस्ट्रीतील प्रसिद्धी अभिनेत्री आणि नृत्यांगना वैजयंती माला यांना कलाक्षेत्रातील अतुलनीय योगदानाबद्दल पद्मविभूषणने सन्मानित करण्याची घोषणा करण्यात आली आहे. आज त्या ९० वर्षांच्या असून ५० ते ६०च्या दशकामध्ये त्यांनी अभिनयासोबत डान्स क्षेत्रात त्यांनी आपले नशीब आजमावले. राज कपूर, दिलीप कुमार यांसारख्या दिग्गज अभिनेत्यांसोबत वैजयंतीमाला यांनी काम केले आहे.

पद्मा सुब्रमण्यम- पद्म विभूषण

पद्मा सुब्रमण्यम दक्षिणेतील प्रसिद्ध भरतनाट्यम नृत्यांगना आहे. त्या 80 वर्षांच्या असून त्यांना संगीत नाटक अकादमी पुरस्कार आणि शास्त्रीय नृत्यासाठी कालिदास पुरस्कारही मिळाला आहे.

उषा उत्थुप- पद्मभूषण

उषा उत्थुप यांना संगीत सिनेसृष्टीमध्ये दीर्घकालीन योगदानाबद्दल पद्मभूषण पुरस्काराने सन्मानित करण्यात येणार आहे. हिंदी चित्रपटसृष्टीत पॉप संगीताला एका वेगळ्या उंचीवर घेऊन जाणाऱ्या म्हणून उषा उत्थुप यांचं नाव घेतलं जातं. उषा उत्थुप मुळच्या मुंबईकर आहेत. त्यांचा आवाज आणि त्यांचा लूकच आज त्यांची ओळख बनला आहे. त्यांनी अनेक चित्रपटांना आपला आवाज दिला आहे.

मिथुन चक्रवर्ती- पद्मभूषण

मिथुन चक्रवर्ती यांना पद्मभूषण पुरस्काराने सन्मानित करण्यात येणार आहे. त्यांना पुर्वी राष्ट्रीय पुरस्कारानेही सन्मानित करण्यात आले होते. आपल्या सिनेकरिअरमध्ये त्यांनी अनेक चित्रपटांमध्ये काम केले आहे. आपल्या अभिनयासोबतच त्यांच्या खास डान्सशैलीनेही चाहत्यांचे मन जिंकले. मिथुन यांना आपल्या सिनेकारकिर्दीत एकूण 3 राष्ट्रीय पुरस्कार मिळाले आहेत.

प्यारेलाल शर्मा- पद्मभूषण

प्यारेलाल आणि लक्ष्मीकांत कुडाळकर यांची जोडी आजही संगीत विश्वात लोकप्रिय आहे. या दोघांनी इंडस्ट्रीत अनेक चित्रपटातील गाण्यांना संगीत दिले आहे. यामध्ये ड्रीम गर्ल, शोर, दो रास्ते, मंचली, बॉबी, अमर अकबर अँथनी, मिस्टर इंडिया, तेजाब, चालबाज आणि हम यासह अनेक चित्रपटांचा समावेश आहे.