Lara Dutta: बॉलिवूड अभिनेत्री आणि मिस युनिव्हर्स २००० विजेती लारा दत्ता यांचे वडील, निवृत्त विंग कमांडर एल. के. दत्ता यांचे ३१ मे २०२५ रोजी मुंबईत निधन झाले. त्यांचे वय ८४ होते. या दु:खद प्रसंगानंतर लारा दत्ता आणि त्यांचे पती, टेनिसपटू महेश भूपती, मुंबईतील सांताक्रूझ हिंदू स्मशानभूमीत झालेल्या त्यांच्या अंतिम संस्कारासाठी उपस्थित होते .

लारा दत्ता आणि त्यांच्या कुटुंबीयांनी पांढऱ्या पारंपरिक पोशाखात अंतिम संस्कारात सहभाग घेतला. यावेळी अभिनेत्रीचे अश्रू अनावर झाले . तिच्या वडिलांच्या निधनानंतर अनेकांनी सोशल मीडियावर शोक व्यक्त केला आणि तिच्या कुटुंबीयांना या कठीण काळात धीर दिला आहे.

लारा दत्ताने यापूर्वी तिच्या वडिलांबद्दल बोलताना सांगितले होते की, तिच्या वडिलांनी भारतीय हवाई दलात विंग कमांडर म्हणून सेवा केली होती. त्यांनी तीन युद्धांमध्ये भाग घेतला होता आणि त्यांच्या सेवानिवृत्तीनंतर कुटुंबासोबत बेंगळुरूमध्ये स्थायिक झाले होते .

१२ मे २०२५ रोजी, त्यांच्या वडिलांच्या ८४व्या वाढदिवसाच्या निमित्ताने, लारा दत्ताने सोशल मीडियावर एक भावनिक पोस्ट शेअर केली होती. ज्यामध्ये तिने लिहिले "माझ्यासाठी १२ मे, माझ्या आयुष्यातील एक खास दिवस. माझ्या वडिलांचा वाढदिवसच नाही तर २५ वर्षांपूर्वी मी मिस युनिव्हर्सचा किताब जिंकला होता तो दिवसही. वेळ खूप वेगाने जातो."