'मस्ती 4' आणि '120 बहादूर' रिलीज होऊन चार दिवस पूर्ण झाले आहेत. हे दोन्ही चित्रपट 21 नोव्हेंबरला थिएटरमध्ये प्रदर्शित झाले आहेत. दोन्ही चित्रपट रिलीजच्या पहिल्या दिवसापासून एकमेकांना तगडी टक्कर देत आहेत. '120 बहादूर' मधून एका सैनिकाची कथा सांगण्यात आली आहे. तर 'मस्ती 4' हा चित्रपट कॉमेडी ड्रामा आहे. दोन्ही चित्रपटांचे चार दिवसांचे कलेक्शन जाणून घेऊयात.

'120 बहादूर' vs 'मस्ती 4'

सोमवारी रितेश देशमुखच्या 'मस्ती 4'ने फरहान अख्तरच्या '120 बहादूर' चित्रपटाला मागे टाकले आहे. सोमवारच्या कलेक्शनमध्ये 'मस्ती 4' सिनेमाने बाजी मारली आहे. Sacnilk च्या रिपोर्टनुसारनुसार, '120 बहादूर'ने सोमवारी 1.40 कोटी रुपये कमावले आहेत. तर 'मस्ती 4' 1.50 कोटी रुपयांची कमाई केली आहे. सोमवारी 'मस्ती 4' ने '120 बहादूर'ला पछाडले आहे. चार दिवसांत '120 बहादूर'ने 11.50 कोटी रुपये कमावले आहेत. तर 'मस्ती 4'10.00 कोटी रुपयांची कमाई केली आहे.

'120 बहादूर' बॉक्स ऑफिस कलेक्शन

• दिवस पहिला - 2.25 कोटी रुपये

• दिवस दुसरा - 3.85 कोटी रुपये

• दिवस तिसरा - 4.00 कोटी रुपये

• दिवस चौथा - 1.40 कोटी रुपये

• एकूण - 11.50 कोटी रुपये

'मस्ती 4' बॉक्स ऑफिस कलेक्शन

• दिवस पहिला - 2.75 कोटी रुपये

• दिवस दुसरा - 2.75 कोटी रुपये

• दिवस तिसरा - 3.00 कोटी रुपये

• दिवस चौथा - 1.50 कोटी रुपये

• एकूण - 10.00 कोटी रुपये

'120 बहादूर' चित्रपटात फरहान अख्तर मेजर शहीद सिंहच्या भूमिकेत आहे. राशी खन्नाने शहीद सिंहची पत्नी शगुन कंवरची भूमिका साकारली आहे. 'मस्ती 4' हा 'मस्ती' फ्रेंचायझीचा चौथा भाग आहे. यात रितेश देशमुखसोबत विवेक ओबेरॉय, अरशद वारसी, आफताब शिवदासानी, तुषार कपूर, नरगिस फाखरी, एलनाज नौरोजी, श्रेया शर्मा हे झळकले आहेत.'मस्ती 4' चित्रपट मिलाप झावेरी यांनी दिग्दर्शित केला आहे.