टेलिव्हिजन सिरियल चॅनेलचा लेटेस्ट TRP रिपोर्ट जाहीर झाला आहे. २० जानेवारी ते २६ जानेवारीपर्यंतचा TRP रिपोर्ट जाहीर झाला आहे. हा TRP रिपोर्ट 'मराठी टेलिबझ ऑफिशियल' या इन्स्टाग्राम पेजने शेअर केला आहे. टीआरपीच्या खेळामध्ये ‘ठरलं तर मग’ मालिकेने आपलं पहिल्या क्रमांकावरील स्थान कायम ठेवलं आहे. गेल्या अनेक दिवसांपासून ही मालिका सतत पहिल्या क्रमांकावरच असल्याचे आपल्याला पाहायला मिळत आहे. तर दुसऱ्या क्रमांकावर ‘प्रेमाची गोष्ट’ही मालिका आहे. (Tv Serial)
‘ठरलं तर मग’ ही मालिका सुरु झाल्यापासून मालिकेमध्ये प्रेक्षकांना मोठ्या प्रमाणावर नवनवे ट्विस्ट अनुभवायला मिळत आहे. मालिकेमध्ये येणाऱ्या नवनव्या ट्विस्टमुळे टीआरपीच्या शर्यतीत टॉप १ आणि टॉप २ ला कायम राहिली. या मालिकेला जाहीर झालेल्या टीआरपी यादीमध्ये ६.८ इतकी रेटिंग मिळाली आहे.
टेलिकास्ट होत असल्यापासून अनेक सिरियल्सला मागे सारत, या मालिकेने टीआरपीमध्ये पहिल्या नंबरवर स्वत:चे नाव कोरलेय. मालिकेमध्ये मुख्य भूमिकेत जुई गडकरी आणि अमित भानुशाली असून पती-पत्नीची एक वेगळीच लव्हस्टोरी प्रेक्षकांना अनुभवायला मिळत आहे. (Marathi Film)
तर दुसऱ्या क्रमांकावर तेजश्री प्रधान व राज हंचनाळे यांची ‘प्रेमाची गोष्ट’ ही मालिका आहे. या मालिकेला ६.७ इतके रेटिंग मिळाले असून मुक्ता- सागरच्या लव्हस्टोरीची सध्या जोरदार चर्चा पाहायला मिळत आहे. गेल्या काही दिवसांपूर्वीच त्यांचे लग्न झाले असून सध्या मालिकेला नवा ट्रॅक मिळालेला आहे.
तर तिसऱ्या स्थानावर स्वरा आणि मल्हारची ‘तुझेच मी गीत गात आहे’ ही मालिका आहे. या मालिकेच्या टीआरपी पॉईंट्स मध्ये सातत्याने आपल्याला बदल पाहायला मिळत आहे. या मालिकेला ६.४ इतकी रेटिंग मिळाले आहे. सध्या स्टार प्रवाहावरील अनेक मालिकांमध्ये रस्सीखेच पाहायला मिळत आहे. (Entertainment News)
तर एकेकाळी टीआरपी चार्टमध्ये टॉपला असलेली अरुंधतीची ‘आई कुठे काय करते’ ही मालिका आता थेट पाचव्या क्रमांकावरच आली आहे. ही मालिका गेल्या अनेक दिवसांपासून टॉप ५ मध्येच पाहायला मिळत आहे. या मालिकेला सध्या ५.६ इतके रेटिंग मिळाले आहे. पुढे अनुक्रमे ‘सुख म्हणजे नक्की काय असतं’ आणि ‘कुण्या राजाची गं तू राणी’ सह अनेक मालिका टॉप १० मध्ये आहे. (Star Pravah)
टॉप १५ मध्ये सर्वच स्टार प्रवाहवरील मालिका असून १२ व्या क्रमांकावर झी मराठीवरील ‘तुला शिकविनच चांगला धडा’ ही मालिका पाहायला मिळतेय. गेल्या काही दिवसांपासून या मालिकेचा चाहतावर्ग वाढत चालला आहे. या मालिकेला ३.३ इतके रेटिंग मिळाले आहेत. या मालिकेला प्रेक्षकांकडून दिलासादायक प्रतिसाद मिळतोय. (Zee Marathi)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.