'अशोक मा.मा' (Ashok Ma. Ma) ही मालिका अनेक वेळापासून प्रेक्षकांचे मनोरंजन करत आहे. या मालिकेत अनेक ट्विस्ट आपल्याला पाहायला मिळत आहे. अशोक मामांनी नातवंडांचे टेन्शन घेतले आहे. त्यात आता भैरवी नावाचे नवे वादळ त्यांच्या आयुष्यात आल्याचे पाहायला मिळत आहे. आता या मालिकेत नवा ट्विस्ट पाहायला मिळणार आहे. येणार रविवार मनोरंजनाचा महारविवार आहे. आता मालिकेत अनिश आणि भैरवी लग्न करू घरी आले आहेत.

सध्या 'अशोक मा.मा' मालिकेत बऱ्याच घटना घडत आहेत. अशोक मामा यांची नोकरीमध्ये सुरू असलेली धडपड, त्यात नातवंडांची जबाबदारी या सगळ्यात मामा मुलांना काही कमी पडू नये याची काळजी घेत आहेत. त्यात भैरवीचे नवे प्लान आणि कुरघोड्या सुरूच आहेत. आता त्यातच अनिश आणि भैरवीने अचानक लग्न केल्याने मामांना मोठा धक्का बसला आहे. भैरवीच्या हेतूंबद्दल आधीच त्यांच्या मनात संशय होता आणि आता या लग्नामुळे घरात तणावाचे वातावरण निर्माण झाले आहे.

परशूरामने आधीच भैरवीविषयी संशय व्यक्त केला होता आणि त्याच्या संशयावर आता शिक्कामोर्तब झाला आहे. फुलराणीने परशूराम आणि भैरवीचे फोटो काढून त्यांच्यावर बारीक लक्ष ठेवले होते. त्याच वेळी संयमीने घरात खोटं बोलून विश्वासघात केल्याचंही उघड झालं. पण या सगळ्याचा कळस म्हणजे अनिशने भैरवीसोबत लग्न करून आल्याची बातमी असणारा आहे.

मामांनी आधीच घर विकण्याचा विचार सुरू केला होता आणि आता भैरवी घरात आली. तर परिस्थिती अजूनच बिघडण्याची शक्यता आहे. 'अशोक मा.मा' ही मालिकेचा विशेष भाग रविवारी दुपारी 2 वाजता आणि रात्री 8 वाजता पाहायला मिळणार आहे.