Kushal Badrike Shared Holi Celebration Video

सध्या राज्यासह देशभरामध्ये धुलिवंदन सण (Dhulivandan Festival) मोठ्या उत्साहात साजरा केला जात आहे. अगदी लहाणांपासून ते थोऱ्या मोठ्यापर्यंत सर्वच एकत्र येत हा सण साजरा करीत आहेत. सध्या अनेक सेलिब्रिटी होळी सण (Holi Festival) दणक्यात साजरा करताना दिसत आहे.

मराठमोळा अभिनेता आणि कॉमेडीवीर कुशल बद्रिकेही (Actor Kushal Badrike) होळी सण साजरा करताना दिसत आहे. नुकतंच अभिनेत्याने इन्स्टाग्रामवर चाहत्यांसोबत होळीला धम्माल मस्ती करतानाचे काही व्हिडीओज शेअर केलेले आहेत.

होळी सणाला होलिका दहन केले जाते. यावेळी सर्व एकत्र येत होलिकेची पूजा करतात. त्यानंतर होलिका दहन केलं जातं. अभिनेता कुशल बद्रिकेने शेअर केलेल्या इन्स्टाग्राम पोस्टवर त्याच्या फॅमिलीसोबत होळी सेलिब्रेशन करताना दिसत आहे. शेअर केलेल्या पोस्टमध्ये, अभिनेत्याने बालपणीच्या किस्स्याला उजाळा दिलेला आहे. कुशलने पोस्टमध्ये लिहिलेय की, "पेटत्या होळीतला नारळ काढायचा आणि प्रसाद म्हणून खायचा. बालपणा पासूनच्या खोड्या! बालपण मागे सुटत जातं, खोड्या सुटत नाहीत."

सोबतच अभिनेत्याने चाहत्यांना होळीच्या शुभेच्छाही दिलेल्या आहेत. कुशलनं शेअर केलेल्या या व्हिडीओला त्याच्या चाहत्यांची पसंती मिळाली आहे. कुशलच्या चाहत्यांनीही यावेळी त्यांच्या आठवणी कमेंटमध्ये शेअर केलेल्या आहेत. कुशलच्या व्हिडीओवर सेलिब्रिटींसह अनेक चाहत्यांनी कमेंट्स केलेल्या आहेत. सध्या कुशल बद्रिके सोनी टेलिव्हिजनवरील ‘मॅडनेस मचायेंगे’ या हिंदी कॉमेडी शोच्या माध्यमातून तो प्रेक्षकांच्या भेटीला येत आहे.