मराठी अभिनेते किरण माने नेहमी चर्चेत असतात. किरण माने हे त्यांच्या स्पष्टवक्तेपणामुळे चर्चेत असते. ते नेहमी राजकीय, सामाजिक विषयांवर सोशल मीडियाच्या माध्यमातून पोस्ट शेअर करत असतात. किरण माने यांनी नुकतीच वसईत घडलेल्या घटनेवर पोस्ट शेअर करत आपलं मत व्यक्त केले आहे.

१८ जून रोजी वसईत एका प्रियकराने आपल्या प्रेयसीची भरदिवसा हत्या केली. याचा व्हिडिओ सध्या सोशल मीडियावर व्हायरल होत आहे. या घटनेतील आरोपीला कठोर शिक्षा द्यावी, अशी मागणी केली जात आहे. अशातच किरण माने यांनी पोस्ट करत तीव्र शब्दात आपला संताप व्यक्त केला आहे.

किरण माने यांनी पोस्ट शेअर करत केली आहे. 'वसईमधील तरुणीच्या हत्येचा व्हिडिओ पाहून काळीज अगदी पिळवटून गेलं. याआधी तरुणीने पोलिसात तक्रार केली होती. गृहमंत्री महोदय, आतातरी राजीनामा द्या. तुम्ही जेव्हा विरोधी पक्षनेते होता तेव्हा कोरोनाकाळात सुशांतसिंग राजपूतसाठी घसा खरवडून ओरडत होता. तुमच्या बुडाखाली त्याहूनही भयंकर अपघात रोज घडत आहेत. सोडा खुर्ची. लायक माणसाला बसवा तिथे', असं त्यांनी पोस्टमध्ये म्हटलं आहे.

काल वसईत आरती यादव (२२) या मुलीची प्रियकराने भररस्त्यात हत्या केली. रोहित यादव (२९) असे आरोपीचे नाव आहे. त्या दोघांमध्ये काही कारणांनी वाद झाले होते. याच भांडणाच्या रागतून त्याने आरतीची हत्या केली. रोहितने आरतीला ऑफिसला जाताना अडवलं. त्यानंतर त्यांच्या वाद झाला. यानंतर त्याने लोखंडी पान्याने प्रेयसीवर वार केले. यातच आरतीचा मृत्यू झाला आहे. याआधी आरतीने रोहितविरोधात पोलिसांत तक्रार केली होती. मात्र, पोलिसांनी हे प्रकरण गांभीर्याने घेतले नसल्याचे सांगण्यात येत आहे.