लोकसभा निवडणुकांचे निकाल जाहीर झाले आहेत. या निकालामध्ये इंडिया आघाडीने २३० हून अधिक जागा जिंकल्या आहेत. तर एनडीएने एकूण २९४ जागांवर विजय मिळवला आहे. तर महाराष्ट्रामध्ये महाविकास आघाडीने दमदार यश मिळवलं आहे. तर राज्यात महायुतीला मोठा धक्का बसला आहे. शिवसेना फुटल्यानंतर ठाकरे गटाची पहिलीच लोकसभा निवडणूक होती. या लोकसभा निवडणुकीत ठाकरे गटाला दमदार यश मिळालं आहे. मोठा यश मिळाल्यानंतर उद्धव ठाकरे यांनी अभिनेते किरण माने यांचे फोन करून आभार मानले. दोघांमधील संवादानंतर अभिनेते आणि ठाकरे गटाचे नेते किरण मानेंनी पोस्ट केली.
अभिनेते किरण माने यांनी या पोस्टमध्ये ठाकरे गटाला लोकसभा निवडणुकीमध्ये घवघवीत यश मिळाल्यानंतर त्यांच्यामध्ये आणि उद्धव ठाकरे यांच्यामध्ये नेमका काय संवाद झाला, हे सांगितले आहे. किरण माने यांनी पोस्टमध्ये सांगितले, "फोन सायलेंटवर होता. सहज हातात घेतला. बघतोय तर पंधरा मिनिटांपूर्वी उद्धव ठाकरेंचे दोन मिस्ड कॉल्स येऊन पडले होते. नंतर 'जय महाराष्ट्र' असा मेसेज येऊन पडला होता. मी कॉलबॅक केला. उद्धव ठाकरेंनी उचलला. मी काही बोलायच्या आधी त्यांनी बोलायला सुरूवात केली..."
"किरणजी, महाराष्ट्रातल्या विजयात तुमचाही वाटा आहे. तुम्ही जे अफाट कष्ट घेतलेत, त्याबद्दल आभार. सोबत राहू कायम..." उद्धवजी बाळासाहेब ठाकरे माझ्याशी खूप काही बोलत होते.. माझ्या डोळ्यांत आनंदाश्रू... शिवबंधनाचं सार्थक व्हायला सुरूवात झाली... भाग गेला सीन केला । अवघा झाला आनंद ।।" अशी पोस्ट किरण माने यांनी फेसबुकवर शेअर केलेली आहे. किरण माने यांनी जानेवारी २०२४ मध्ये शिवसेना उद्धव ठाकरे गटात प्रवेश केला. ठाकरे गटाच्या प्रवक्त्या आणि नेत्या सुषमा अंधारे यांच्या उपस्थितीत किरण माने यांनी ठाकरे गटात प्रवेश केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.